Президент обама һейгил билән бренәнни дөләт мудапиә министирлиқи вә мәркизи ахбарат идарисиниң мәсуллуқиға намзат қилип көрсәтти

Америка президенти обама дүшәнбә күни сабиқ җумһурийәтчи кеңәш палата әзаси чак һейгил билән билән ақ сарайниң террорлуққа қарши туруш баш мәслиһәтчиси җон бренәнни америка дөләт мудапиә министири вә мәркизи ахбарат идарисиниң мәсуллуқиға намзат қилип көрсәтти.
Мухбиримиз әркин
2013-01-07
Share

Һәр икки намзат америка кеңәш палатасиниң мақуллуқини елиши керәк. Көзәткүчиләр, һәр икки намзатниң кеңәш палатасиниң мақуллуқини елиши асанға тохтимайдиғанлиқини билдүрмәктә. Бәзи җумһурийәтчи кеңәш палата әзалири чак һейгилни"исраилийигә достанә әмәс" дәп тәнқидләп, униң иран мәсилисидә бәк юмшақ қол икәнликини илгири сүргән. Чак һейгил илгири америкиниң ираққа һуҗум қилишини қоллиған болсиму, бирақ һөкүмәтниң ирақ сияситини тәнқид қилған.

Бренән болса мәркизи ахбарат идарисиниң тутқунларни қаттиқ васитиләрни қоллинип сорақ қилиш мәсилисидә кеңәш палата әзалириниң җиддий соаллириға дуч келиши мумкин. У, мәркизи ахбарат идарисиниң мәңгү америкиниң алий қиммәт қаришини қоғдишиға капаләтлик қилидиғанлиқини билдүргән.

Президент обама йеқинда җон кәрийни дөләт ишлар министири һиларий клинтон ханимниң орниға намзатлиққа көрсәткән иди. Президент 2‏-қетимлиқ вәзипигә 20-январ олтуриду. У 2‏-қетимлиқ вәзипигә олтуруштин бурун, һөкүмәтниң йеңи рәһбәрлик ядросини шәкилләндүрүшкә башлиди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт