Америка баш әлчиси хитай һөкүмитини мәһбус адвокат ни йүләнни қоюп беришкә чақирди

Америка баш әлчиси горий лак, бүгүн баянат елан қилип, қамақханида тутуп турулуватқан кишилик һоқуқ адвокати ни йүлән вә униң йолдиши дуң җичинни дәрһал қоюп беришкә чақирған.
Мухбиримиз шөһрәт һошур
2012.04.16

Ни йүлән 2002-йилидин буян җәмий 3 қетим түрмигә ташланған болуп, ахирқиси өткән йил апрелда йәни оттура шәрқтә әрәб баһари баш көтүргән мәзгилдә йүз бәргән. Ни йүлән вә униң йолдиши йәр даваси қиливатқан әрздарларға ярдәм қилған, униң бу қилғини хитай даирилири тәрипидин җәмийәт тәртипини бузуш үчүн қутратқулуқ қилиш дәп әйибләнгән.

Америка баш әлчиси бүгүнки баянатида, ни йүләнниң саламәтлик әһвалидин әндишә қиливатқанлиқини баян қилған вә ни йүләнниң йәрлик даириләр тәрипидин уруп мейип қилинғанлиқ әһвалини тилға елип өткән. Баш әлчи йәнә ни йөләнниң қизиға қарита йүргүзүлүватқан нәзәрбәндниң әмәлдин қалдурулушини тәләп қилған.

Бүгүн хитай ташқи ишлар баянатчиси лю веймин америка баш әлчисиниң мәзкур чақириқи үстидә пикир баян қилип, башқа дөләтләрни хитайниң әдлийә саһәсидики игилик һоқуқиға арилашмаслиққа чақирған.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.