Amérika prézidénti bir ijra'iye buyruqigha imza qoydi

Amérika tor sahesige xitay qatarliq döletlerdin kélidighan hujumlarning köpeygenliki xewer qiliniwatqan mezgilde amérika prézidénti bir ijra'iye buyruqigha imza qoyup, amérika soda - sana'iti we intérnét qurulushini qoghdashqa wede berdi.
Muxbirimiz jüme
2013.02.13
Share on WhatsApp
Share on WhatsApp


Obama yene seyshenbe kündiki “Döletning nöwettiki ehwali” heqqidiki nutqida amérika dölet mejlisini tor hujumigha qaritilghan bir qanun tüzüp chiqishqa chaqirdi.

Obama nutqida amérikining düshmenliri “Énérgiye torimiz, pul - mu'amile mu'essesilirimiz we hawa qatnishini bashqurush sistémimizgha buzghunchiliq qilishni istimekte” dédi.

Obamaning mezkur tor bixeterliki heqqidiki buyruqi boyiche amérika döletlik ölchem we téxnologiye jem'iyiti shirketlerning hujumgha uchrighanda qandaq qilishi toghrisida ölchem belgilep chiqidiken.

Amérikidiki nopuzluq gézitlerdin “Nyu - york waqit géziti”, “Wal strit zhurnal géziti”, we “Washin'gton pochtisi” ikki hepte ilgiri xitay tor buzarlirining hujumigha uchrighanliqini élan qilghan.

Obama hökümitimu amérikigha tor hujumi qiliwatqan döletlerge agahlandurush bergen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.