Өмәр уйғур вәхпи юқири сотниң рәт һөкүмини тапшурувалди

Сотқа өмәр уйғур вәхпиниң мәсуллири йетип барған; ички ишлар министирлиқидин болса хадим кәлмигән; шундақ туруқлуқ сотчи, ички ишлар министирлиқиниң әрзгә қарита җавабини тоғра дәп хуласилигән; әмма язма һөкүм чиқармиған иди. Бүгүн йәни дүшәнбә күни өмәр уйғур вәхпи юқири сотниң өткән һәптидики сот һөкүмини тапшурувалған.

Һөкүмнамидә сотчи өзиниң ички ишлар министирлиқиниң пикрини қуввәтләйдиғанлиқини баян қилип; әрзни әмәлдин қалдурғанлиқини уқтурған. Өмәр уйғур вәхпи мәсули өмәрҗан бүгүн бу мунасивәт билән пикир баян қилип, сотчиниң мәзкур давада мустәқил қарар берәлмигәнликини, ички ишлар министирлиқиниң бесимидин қорққанлиқини баян қилди.

У йәнә бу давани хитайниң дөләт атлап қиливатқан зораванлиқиға қарши бир һәрикәт дәп қарайдиғанлиқини, шуңа бу давада һәргиз чарчаш һес қилмайдиғанлиқини билдүрди.

Өмәрҗанниң билдүрүшичә, бүгүн мәзкур һөкүмгә қарши наразилиқ әрзи сунуш үчүн адвокати билән көрүшкән. Улар йеқинқи күнләрдә, юқири сот қатлимидин йәнә бир балдақ алий органға, мәзкур һөкүм үстидин наразилиқ әрзини сунмақчи.