Үрүмчиниң хейҗасән райони чеқилишқа башлиди

Радиомиз алдинқи һәптидә хитай мәтбуатлиридики учурларға вә игилигән инкасларға асасән үрүмчиниң уйғурлар бир қәдәр зич олтурақлашқан мәһәллиридин бири хейҗасәнниң чеқилишқа башлиғанлиқини хәвәр қилған иди. Бүгүн франсийә агентлиқи бу һәқтә хәвәр тарқатқан болуп, хәвәрдә, хейҗиасәндә зор санда уйғурлар яшайдиғанлиқи, буларниң көпчиликиниң қәшқәр, хотән вә или қатарлиқ җайлардин келип йәрлишип тирикчилик қиливатқанлар икәнлики көрситилгән.
Мухбиримиз үмидвар
2010-07-11
Share

Шинхуа агентлиқи болса, бу җайдики 200 миң аһалиниң башқа җайға көчүрилидиғанлиқини хәвәр қилған.

Хәвәрдә йезилишичә, шинҗаң иҗтимаий пәнләр академийисиниң оттура асия тәтқиқат иниститутиниң мудири пән җипиң "мәзкур җайдики көчмәнләрниң яхши башқурулмиғанлиқи үчүн асанла топилаңларға арилишидиғанлиқи" ни илгири сүргән. Хитай даирилири, хейҗиасәнниң өткән йилидики 5 - июл вәқәсигә четишлиқ асаслиқ җайларниң бири икәнликини бекиткән.

Көзәткүчиләр үрүмчиниң уйғурлар бурундин тартип зич олтурақлишип кәлгән мәһәллириниң қәдәм - қәдәм йоқитилип, уйғурларниң тарқақлаштуриливатқанлиқини инкас қилмақта. Техи йеқинқи вақитларғичә мәвҗут болған үрүмчиниң көплигән уйғур мәһәллилири һазир аллибурун тарихий әслимиләр қатариға кирип кәткән.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт