Düshenbe küni gensuda yene bir tibet özini köydürüp, xitay hökümitige naraziliq bildürdi

22‏-Öktebir, gensuning tibetler olturushluq gennen aptonom oblastida yene bir tibet özini köydürüp, xitay hökümitining tibet siyasitige naraziliq bildürgen.
Muxbirimiz erkin
2012-10-23
Share

Londonni baza qilghan “Erkin tibet herikiti” namliq kishilik hoquq teshkilatining bildürüshiche, dundup isimlik 50 yashlardiki bu tibet, dalay lamaning tibetke qaytip kélishni telep qilip sho'ar towlighan. Dundup, gennan aptonom oblastida yéqinqi bir aydin buyan özini köydürüp, xitaygha naraziliq bildürgen 4‏-kishi. Shundaqla gennen oblastigha qarashliq sangchu nahiyiside olturushluq tibetlerdin yéqinqi 3 kün ichide özini köydürgen 2‏-kishidur. Sangchu nahiyisidiki labrang ibadetxanisi tibet buddizmining galu éqimigha mensup 6 chong ibadetxanining biri.

Erkin tibet herikiti teshkilatining bildürüshiche, labrang ibadetxanisi xitay hökümitining tibet siyasitige qarshiliq qilish bilen tonulghan ibadetxanilarning biri. Dundup özige ot qoyup bergendin kéyin, labrang ibadetxanisining etrapida turushluq xitay qoralliq saqchiliri yétip kélip, dundupqa su chéchip otni öchürüwalghan we etraptiki kocha-koylarni qamal qilghan. Sürgündiki gu chu som tibet herikiti namliq sabiq tibet mehbusliri teshkilatining bildürüshiche, xitay saqchi qisimliri dundupni élip ketkendin kéyin, uning ölük yaki tiriklikidin xewer alalmighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet