B d t da pelestinning döletlik orni étirap qilindi

Peyshenbe künidiki xelq'ara xewerlerde pelestinning b d t da "Nazaretchi dölet" bolush iltimasi qobul qilindi.
Muxbirimiz méhriban
2012-11-29
Élxet
Pikir
Share
Print

Pelestin rehbiri abbas 29-noyabir peyshenbe küni nyuyorkta échilghan birleshken döletler teshkilati yighinida, pelestinning b d t gha eza bolmighan nazaretchi dölet bolushqa sun'ghan iltimasini qollashni telep qilip doklat berdi. Melum bolushiche, abbasning bu telipi b d t gha eza bolghan 193 döletning 3 ten 2 qismining qoshulushi bilen pelestinning döletlik orni étirap qilinip, b d t gha nazaretchi dölet bolush iltimasi qobul qilin'ghan.

Yawropa döletliridin fransiye tashqi ishlar ministiri 27-noyabir künidiki yighinda bu heqte pikir bayan qilip, pelestinning mezkur telipige qollap awaz béridighanliqini bildürgen idi.

Amérika awazining bügünki xewiridin melum bolushiche, pelestin'ge nazaretchi dölet bolush salahiyiti bérilishi, gerche pelestinning b d t gha resmiy eza bolghanliqidin dérek bermisimu, emma bu, pelestin'ge xelq'ara sot mehkimisige erz sunalaydighan shara'itni yaritip béridighanliqi üchün bu iltimasqa isra'iliye üzlüksiz qarshi turup kelgen.

Toluq bet