Хитай қәшқәрни ечиш вә көчмән йөткәш қәдимини тезләтмәкчи

Уйғур аптоном район даирилири қәшқәрни техиму илгириләп ечиш вә бу җайға техиму көп көчмән җәлп қилиш үчүн юқири сүрәтлик ташйол вә төмүр йол қурулушиға алаһидә әһмийәт бәрмәктә.
Мухбиримиз ирадә
2012.06.28

Хитай күндилик гезитиниң хәвиридин қариғанда, бу йил хитай мәркизи һөкүмити вә уйғур районлуқ һөкүмәт қәшқәр билән оттура асия әллирини туташтуридиған хитай-қирғизистан-өзбекистан төмүр йоли қурулушини әң муһим қурулуш пиланиниң бири қилип бекиткән.

Хитай даирилириниң 5-июл вәқәсиниң 3 йиллиқ хатирә мәзгили йетип келиш мәзгилидә хитай өлкилириниң “шинҗаңға ярдәм бериш” дәп атиливатқан хизмәт пиланини күчәйтиш, қәшқәр алаһидә иқтисад районини ечиш хизмәтлирини тезләштүрүшни һәдәп тәшвиқ қилип, техиму көп хитай көчмәнлирини уйғур елигә берип тирикчилик қилишқа үндәватқанлиқи мәлум болмақта. Хитай даирилири хитай өлкилиридин уйғур елигә баридиған төмүр йол, һава йоллириниң санини ашурған. Бултур бир йил ичидә үрүмчи-қәшқәр вә хотән төмүр йоли бир милйон 700 миңдин артуқ йолучи тошуған.

Чәтәлләрдики кишилик һоқуқ тәшкилатлири уйғур елидики иқтисадий тәрәққиятниң очуқ-ашкара һалда хитайларни мәнпәәтләндүрүшни мәқсәт қилғанлиқини, хитай һөкүмитиниң көчмән йөткәш арқилиқ уйғур елидә муқимлиқ бәрпа қилмақчи болуватқанлиқини билдүрмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.