B. Nurlanof: qirghizistanni xitayning ölkisige aylinip qalmasliq üchün agahlandurdi

Nöwette, xitayning ottura asiyadiki jumhuriyetlerde xitay tili oqutush hem xitay tilini yéyishni kücheytish üchün köp tirishchanliq körsitiwatqanliqi melum.
Muxbirimiz ümidwar
2012-10-29
Share

Xitay hökümiti xitay tili we xitay medeniyitini tarqitish üchün dunyaning köpligen memliketliride, jümlidin ottura asiya jumhuriyetliride "Kungzi instituti" qurup, bu döletlerde xitay tili ögitishke meblegh ajratmaqta, ottura asiya memliketliridiki milletperwer guruppilar bu ehwaldin narazi bolup öz hökümetlirini eyiblimekte, yéqinda rusiyide tarqitilidighan "Ottura asiya" uchur we analiz torida qirghizistanliq mutexessis b. Nurlanofning "Bishkek xitay ölkisige aylinamdu?" serlewhilik maqalisi élan qilindi.

Aptorning tekitlishiche, yéqinda qirghizistanning mu'awin bash ministiri gulnara asimbékowa qirghizistanda xitay tili oqutushni kücheytishni otturigha qoyup, xitay tilini kichikidin tartip ögitish lazimliqini bildürgen. Maqalide körsitilishiche, qirghizistan-xitay uniwérsitéti qurush, xitay tilida yesli we mekteplerni qurush mesililiri muzakire qilin'ghan.

Aptor hazir xitayning qirghizistan'gha körsitiwatqan iqtisadi tesiri we bashqilarni jümlidin xitay tili oqutush teshebbuslirini missal qilish arqiliq "Qirghizistan pat yéqinda xitay xelq jumhuriyitining bir aptonom oblastigha aylinip qalidighandek qilidu" dep körsetken.

Nurlanof ependi maqaliside yene, qirghizistan hökümitini agahlandurup, "Hökümitimiz qirghizistanning yene bir chong döletning ölkisige aylinishigha yol qoymasliqi lazim, chünki bizning sowét ittipaqining yimirilishi bilen musteqilliqqe érishishimiz asan'gha chüshmidi" dep tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet