Рабийә ханим хитай билән диалог өткүзүшкә тәйяр икәнликини билдүрди

1 - Сентәбир күни белгийә пайтәхти берюселда зияритини башлиған уйғур миллий һәрикити рәһбири рабийә қадир ханим, явропа парламенти кишилик һоқуқ комитети парламенти билән көрүшүп хитай һөкүмитиниң уйғурларға йүргүзгән сияситини тәниқд қилған шундақла хитай даирилири билән бивастә сөһбәт өткүзүшни халайдиғанлиқини билдүргән.
Мухбиримиз гүлчеһрә
2009.09.01

Бу һәқтә тохталған рабийә қадир ханим " мән хитай һөкүмити билән диалог өткүзүшкә тәйяр, хитай һөкүмитиниң биз билән олтуруп йүз туранә диалог елип баридиған вақти кәлди,биз хитай һөкүмитиниң 6 - йилдин буян йүргүзүватқан миллий сияситидики мәғүлубийитини көрситип берәләймиз һәмдә сиясий ислаһат елип бериш җәһәттә пикирлишәләймиз," дегән.

Рабийә ханим явропа парламенти кишилик һоқуқ комитетида қилған нутқида :"хитай һөкүмити қаттиқ бастуруш вә зораванлиқи билән шәрқй түркистандики мәсилини һәл қилалмайду " дәп тәкитлигән вә явропа парламентниң хитай һөкүмитигә миллий аптономийә қануниға һөрмәт қилишқа, уйғур рәһбәрлири билән сөһбәт өткүзүшкә бесим ишлитишқа чақирған.

Рабийә қадир ханим явропа парламенти кишилик һоқуқ комитетиниң тәклипигә бинаән берюселға зиярәткә барған иди. Униң берюселдики зиярити 5 - синтәбиргичә давам қилиду. Бу җәрянда у яврупа парламентидики мунасивәтлик кишиләр һәмдә бир қисим кишилик һоқуқ тәшкилат рәһбәрлири биләнму учришиш елип барғандин башқа, яврупа парламентида мәхсус доклат бериду һәм мухбирларни күтүвелиш йиғини өткүзиду.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.