Moskwada qazaq we ruslarning xitaygha qarshi namayishi boldi

Shenbe küni rusiye paytexti moskwada bir qisim qazaqistanliq we rusiyilik ishchilar birleshme namayish ötküzüp, qazaqistanda pa'aliyet qiliwatqan xitay néfit shirketlirining qilmishlirini eyiblidi.

2012.06.03


Bu namayishni kommunistlar, ishchilar teshkilatliri hem öktichiler uyushturghan bolup, namayishqa ruslar we qazaqlar qatnashqan. Ular xitayning hazir qazaqistan jama'iti arisidiki abroyining éghir derijide chüshiwatqanliqini, on nechche kishining ölüshige seweb bolghan jana'özen weqesining xitay terep bilen munasiwetlik ikenlikini körsetken.

Amérika awazining yézishiche, namayishni teshkilligenlerning biri, öktichilerdin qurmanof, nöwette xitayning qazaqistan néfit sahesini kontrol qilghanliqi, xitay shirketlirining xitay we qazaqistan ishchiliri hem téxnik xadimlirigha oxshimighan mu'amile qolliniwatqanliqini, xitayning qazaqistanliqlarghimu xitaylargha oxshash mu'amile qollinishi lazimliqini tekitligen.

Namayishni teshkilligen qazaq kommunist rehberliridin biri xitayning hazir qazaqistan ishchilirigha yürgüzüwatqan qilmishliri hem bashqa ehwallargha asasen xitayni kommunist döliti déyishke bolmaydighanliqini tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.