Rusiyening chita shehride bir xitay karxanichi öltürülgen

Bu heqtiki xewerlerde öltürülgen xitay karxanichining yang shinggo isimlik xitay sodiger bolup, chita shehiridiki shyayang soda merkizining bash mudiri ikenliki, uning mezkur sheherdiki bir qanche yerde soda sariyi we zor kölemlik tijariti barliqini ilgiri sürgen.

Chita teptish mehkimisining bir emeldari, yang shinggoning jesiti, u olturidighan binadiki léfitning bosughusida bayqalghanliqini, meyde we qosaq qisimida pichaq zerbisining izi barliqi, uning 25 ‏- chisla chüsh sa'et 12:00 lerde öltürülgen bolushi mümkinlikini bildürgen. Chita teptish mehkimisidiki yuqiriqi emeldar, "nöwette saqchilar suyqestning meqsidige a'it her xil ihtimaliqlar üstide tekshürüsh élip bériwatqanliqi"ni, jümli'odin bu weqege  "xitay sodigerlirining arisidiki tijari ixtilaplarning seweb bolush ihtmali barliqi"ni tekitligen.

Bu heqtiki xewerlerde yéqindin béri rusiyede xitay sodigerlirini öltürüsh weqelirining köpiyiwatqanliqini ilgiri sürgen bolup, bu yil 7 ‏- ayda yüz bergen bir weqede chitadiki bir xitay résturanining xojayini öltürüwétilgen.

Sowét ittipaqi parchilinip rusiye - xitay munaswiti normallishishke bashlighandin kéyin, rusiye sodiger qiyapitidiki rusiyede uzun mezgillik olturaqlishishni meqsed qilghan xitay köchmenlirining bésimigha duch kelgen. Bu ehwal uzundin béri rusiye "werenperwerliri"ni bi'aram qilipla qalmay, yéqindin béri rusiye hökümitining diqqitini qozghighan idi.

Rusiye hökümiti yéqinda moskwadiki bir xitay bazirini taqap, moskwada qanunsiz yashawatqan xitaylarni tazilighan. Xewerlerde chitada yüz bergen weqening tekshürüliwatqanliqini, süyqestning meqsidi téxi aydingshlashmighanliqini bildürgen.