Қирғизистан йеңи президент сайлам күнини бекити

Қирғизистан парламентиниң юқири кеңиши қирғизистан җумһурийитиниң бу қетимлиқ президент сайлам күнини рәсмий бекитти.
Мухбиримиз үмидвар
2011-07-03
Елхәт
Пикир
Share
Принт

Пәрғанә учур ториниң йезишичә, мәркизий асиядики бирдин-бир парламент системисидики дөләт -қирғизистан парламентиниң юқири кеңиши бу қетимлиқ президент сайлам күнини бу йил 10-айниң 30-күни қилип бекиткән.

2010-Йили апрел сиясий өзгиришидин кейин өктичиләр рәһбири роза отунбайева қирғизистанниң вақитлиқ президенти болған һәмдә кейин рәсмий президент қилип бекитилгән болуп, бирақ әйни вақитта елинған қарар бойичә роза отунбайеваниң президентлиқ мөһлити бу йил 12-айда тошиду һәмдә униң бу қетимлиқ президент сайлимиға өзини намзат көрситиш салаһийити йоқ.

Бирақ йеқиндин буян қирғизистандики бир қисим аммиви тәшкилат вә партийә гуруһлар роза отунбайеваниң президентлиқ мөһлитини узартишни тәләп қилған һәмдә парламент ичидә бу мәсилидә ихтилаплар мәйданға чиққан иди.

Пәрәз қилинишичә 30-өктәбирдики президент сайлимида җумһурийәттики чоң партийиләрниң рәһбәрлиридин он нәчә кишиниң өзини президент намзатлиқиға көрситиши мумкин һәмдә роза отунбайеваниң қоллиғучилири униң давамлиқ вәзипә өтүшини тәләп қилиш вә яки униң президентлиқ сайлимиға йәнә чүшишини тәләп қилиш һәрикити қозғилиши мумкин икән.

Пикирләр (0)
Share
Толуқ бәт