ياپونىيە سېنكاكۇغا يېقىن جايغا ھەربىي ئەسلىھە ئورۇنلاشتۇرۇشنى ئويلاشماقتا

ياپونىيە تاشقى ئىشلار باياناتچىسى چارشەنبە كۈنى ياپونىيە دۆلەت مۇداپىئە مىنىستىرلىقىنىڭ خىتاي بىلەن تالاش-تارتىشتىكى ئاراللار گۇرۇپپىسى يېنىغا ھەربىي ئەسلىھە ئورۇنلاشتۇرۇشنى ئويلىشىۋاتقانلىقىنى بىلدۈردى.
مۇخبىرىمىز جۈمە
2013.01.16

باياناتچىنىڭ بىلدۈرۈشىچە، ياپونىيە دۆلەت ئىشلار مىنىستىرلىقى سېنكاكۇ ئارىلىغا يېقىن جايغا ھەرىكەتچان رادار سىستېمىسى ۋە باشقا ھەربىي ئالاقە سىستېمىسى ئورۇنلاشتۇرۇش پىكرىنى ئوتتۇرىغا قويغان ۋە كېلەر يىللىق ھەربىي خام چوتتىن پۇل ئاجرىتىشنى تەلەپ قىلىش قارارىغا كەلگەن.

بايانچى ئىتسۇنورى ئوندەرا ئالدىنقى كۈنى: غەربىي جەنۇبىي سۇ تەۋەلىكىمىزنى قوغداش ئۈچۈن ھەرخىل چارىلەر ئۈستىدە ئويلىشىۋاتىمىز، دېگەن ئىدى.

سېنكاكۇ ئارىلىرىنى خىتايلار «دياۋيۈ ئارىلى» دەپ ئاتايدۇ.

بۇ ئىككى دۆلەت ئارىسىدىكى ئارال ماجىراسى ئۇلغايغاندىن بۇيان ياپونىيە سېنكاكۇغا يېقىنلاشقان خىتاي تەكشۈرۈش ئايروپىلانلىرىنى توسۇش ئۈچۈن 4 قېتىم ھەربىي ئايروپىلانلارنى ئىشقا سالغان ئىدى.

ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.