Тайландтики өктичи-қизил майкилиқлар йәнә намайиш қилди

Узундин буян өктичилик наразилиқ һәрикәтлирини давамлаштуруватқан тайландтики қизил майкилиқлар йәкшәнбә күни банкок шәһиридә кәң көләмлик наразилиқ намайиши өткүзүп, һөкүмәттин тайланд сақчилири тәрипидин өткән йили қолға елинған қизи майкилиқлар һәрикитиниң рәһбәрлирини қоюп беришни тәләп қилди.
Мухбиримиз үмидвар
2011-01-23
Share

Франсийә агентлиқиниң хәвәр қилишичә, тәхминән 27 миң адәм тинч усулда намайиш қилип, шәһәрниң сода кочилирини айланған.

Өткән йили, апрел вә май айлирида қизил майкилиқларниң кәң көләмлик наразилиқ намайиши ахирида тоқунушқа айлинип, сақчилар билән намайишчилар арисида  һәр хил қаттиқ васитиләрни ишлитиш вә оқ чиқириш келип чиққан иди. Тоқунуш нәтиҗисидә 90 адәм өлгән.

Өткән йилидики намайишчилар баш министир абхист веҗҗаҗивани һоқуқтин чүшүшкә чақирған, намайиш бастурулуп, намайишчиларниң рәһбәрлири қолға елинған вә һазирғичә қоюп берилмигән иди. Қизил майкилиқлар январниң башлирида йәнә намайиш қилған болуп, адәм сани 30 миңға йәткән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт