Тәйвән һәрбий әмәлдари: тәйвән өзни қоғдаш иқтидарини ашуруши керәк

Тәйвән дөләт мудапиә министирлиқи елан қилған доклатида, хитай хәлқ азадлиқ армийисиниң аллиқачан тәйвәнни қамал қилиш һәм тәйвән қуруқлуқини игиләш иқтидарини һазирлиғанлиқини илгири сүргән.

 Тәйвән һәрбий әмәлдарлириниң билдүрүшичә, тәйвән хитай чоң қуруқлуқи билән һәрбий әслиһәләр мусабиқиси қилмиған шәрт астида, тәйвәнниң өзини қоғдаш иқтидарини илгири сүрүш үчүн, һәрбий күчини ашуридикән.

Тәйвән дөләт мудапиә министири яң нийәнзу сөзидә: “йеқинқи бирқанчә йилдин буян хитай чоң қуруқлуқи билән тәйвән оттурисидики мунасивәт көрүнүштә юмшиғандәк қилсиму, әмма коммунист партийә һөкүмитиниң тәйвәнгә қорал күчи арқилиқ тәһдит селишни тохтатмиған” лиқини әскәртти вә тәйвәнниң өзини мудапиә қилиш иқтидарини давамлиқ ашуридиғанлиқини билдүрди.