Хитай чиңхәйдә тибәт ибадәтханилириниң антенна вә телевизорлирини йиғивалған

Хитай даирилири чиңхәйниң тибәтләр олтурақлашқан хуаңнән вилайитидики тибәт ибадәтханилириниң телевизор вә сүний һәмраһ антенналирини йиғивалған.
Мухбиримиз әркин
2012.12.28
Share on WhatsApp
Share on WhatsApp

Ройтерс агентлиқиниң хәвиридә илгири сүрүшичә, даириләр ибадәтханиларниң 3000 телевизорини йиғивалған, нурғун сүний һәмраһ антеннаси “җуңгоға қарши” программилар ни қоюп, тибәтләрниң өзигә от қоюшини кәлтүрүп чиқарғанлиқ сәвәбидин бузуп ташланған.

Хитай даирилири йеқинда тибәтләрниң өзини көйдүрүш вәқәлиригә қарши тәдбир алидиғанлиқини елан қилған иди. Көзәткүчиләрниң илгири сүрүшичә, телевизор вә антенналарни йиғивелиш өзини көйдүрүшкә қарши елинған тәбирләрниң бир қисми болуши мумкин.

Һазирға қәдәр 90 нәччә тибәтлик өзини көйдүрүп, хитайниң тибәт сияситигә наразилиқ билдүргән. Чиңхәй ахбарат васитилириниң хәвәр қилишичә, чиңхәйдә өзини көйдүрүш вәқәси 5 қетим йүз бәргән.

Далай лама өзиниң мустәқиллиқ тәләп қилмайдиғанлиқини давамлиқ тәкитләп кәлгән болсиму, бирақ хитай һөкүмити далай ламани бөлгүнчилик билән әйибләп, өзигә от қоюш вәқәлирини униң вә сүргүндики тибәт тәшкилатлириниң хәлқни күшкүртүп пәйда қиливатқанлиқини илгири сүрүп кәлди.

Америка вә башқа бир қисим дөләтләр изчил хитайни тибәттики бастуруш сияситигә хатимә берип, далай лама билән сөһбәт өткүзүшкә чақирип кәлгән. Икки тәрәп йеқинқи 10 йил ичидә 9 қетим сөһбәт елип барған болсиму, бирақ һечқандақ нәтиҗигә еришәлмигән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.