Тибәт районидики йәр тәврәш апитидин қутулдуруш хизмити ахирқи басқучқа кирди

Б б с агентлиқиниң хәвәр қилишичә, тибәт егизликидики чиңхәйниң йүшу районидики йәр тәврәш апитидин қутулдуруш хизмитиниң биринчи басқучи, йәни апәткә учриған адәмләрниң һаятини қутқузуш хизмити ахирлашқан.
Мухбиримиз үмүдвар
2010.04.25

Бу һәқтә қутқузуш елип бериватқан хитай һәрбий тәрәп баянатчиси мәлумат бәргән. Мәлумат бойичә 4 - айниң 24 - күнигичә болған арилиқта йүшудики йәр тәврәштә җәми 2203 адәм өлгән, 73 адәмниң из - дерики болмиған.

Хәвәрдә көрситилишичә, һәрбий тәрәп, бу йәрдики қисимларниң әмдики вәзиписиниң апәт райониниң ишләпчиқириш ишлирини әслигә кәлтүрүш, яридар болғанларни қутулдуруш, сақлиқни сақлаш вә кесәл тарқилишниң алдини елиш һәмдә тибәт мәдәний ядикарлиқлирини қоғдаш вә қутулдуруш икәнликини шәрһилигән.
 
Өткән һәптидин тартип, тибәтләр көп санлиқни игилигән мәзкур йәр тәврәш апәт районида қар йеғиш, арқидин ямғур йеғиш, температура төвәнләштәк һадисиләр йүз бәргән болуп, бу, апәткә учриған хәлқниң турмушиға техиму қийинчилиқ пәйда қилған.

Йүшу тибәтләрниң роһаний даһийси далай ламаниң юрти болуп, у шу йәргә беришни тәләп қилған болсиму, бирақ хитай тәрәптин рәт қилинған.

 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.