ئۈچتۇرپان ناھىيىسىدە 'بۆلگۈنچىلىككە قارشى تۇرۇشقا ئالاقىدار قايتا تەربىيىلەش پائالىيىتى' كۈچەيتىلمەكتە

نۆۋەتتە خىتاي ھۆكۈمىتى، ئۇيغۇر ئېلىنىڭ ئۈچتۇرپان ناھىيىسىدە "بۆلگۈنچىلىككە قارشى تۇرۇشقا ئالاقىدار قايتا تەربىيىلەش پائالىيىتى" نى كۈچەيتىپ ئېلىپ بېرىۋاتقان بولۇپ، شىنجاڭ ئامانلىق تورىدا كۆرسىتىلىشىچە، ئۈچتۇرپان ناھىيىسىدە بۇ خىل پائالىيەت "رەتلەش، ئاڭلاش، قۇرۇش ۋە ئۆزگەرتىش" قاتارلىق تۆت تۈر بويىچە قانات يايدۇرۇلغان.
ﻣﯘﺧﺒﯩﺮﯨﻤﯩﺰ ﺟﯜﻣﻪ
2008-12-29
ئېلخەت
پىكىر
Share
پرىنت

خەۋەردە ئوتتۇرىغا قويۇلۇشىچە، مەزكۇر ناھىيە تەۋەسىدىكى بارلىق ئاساسى قاتلاملاردىكى پارتكوم ۋە ياچېيكىلىرىدىن ئۆز تەۋەلىكىدىكى يېزا - بازار، كەنت ۋە ئورگانلاردىكى مۇقىملىققا يوشۇرۇن تەھدىت كۆرسىتىدىغان ئامىللار ۋە باشقۇرۇشقا ئالاقىدار ئاجىز نۇقتىلارنى تېپىپ چىقىپ، شۇنىڭغا قارىتا مۇناسىپ تەدبىر بەلگىلەش تەلەپ قىلىنغان.

مەلۇم بولۇشىچە، مەزكۇر ناھىيە تەۋەسىدىكى ھەر دەرىجىلىك پارتكوم ۋە پارتىيە ياچېيكىلىرى، ئاممىدىن پىكىر ئېلىپ، ئىگىلىگەن ئەھۋاللارنى بىرلىكتە تەھلىل قىلغاندىن كىيىن، ناھىيىلىك "بۆلگۈنچىلىككە قارشى تۇرۇش بويىچە قايتا تەربىيىلەش ئىشخانىسى "غا ئەھۋال مەلۇم قىلىدىكەن.

خىتاي ھۆكۈمىتى 2008 - يىلى كىرگەندىن بۇيان، ئولىمپىك بىخەتەرلىكى ۋە باشقا سەۋەبلەرنى باھانە قىلىپ ئۇيغۇر ئېلىدە باستۇرۇش ۋە چەكلەش خاراكتېرىدىكى ھەر خىل بىخەتەرلىك تەدبىرلىرىنى كۈچەيتكەن بولۇپ، بۇ خىل چەكلەش تەدبىرلىرى ئۇيغۇر كىشىلىك ھوقۇق تەشكىلاتلىرى شۇنداقلا ئامېرىكا دۆلەت مەجلىسى خىتاي ئىشلار كومىتېتىنىڭ يىللىق دوكلاتلىرىدا تەپسىلىي ئوتتۇرىغا قويۇلغان ھەمدە خەلقئارا جەمئىيەتنىڭ دىققىتىنى تارتقان ئىدى.

پىكىرلەر (0)
Share
تولۇق بەت