Хитай үрүмчидики башланғуч - оттура мәктәпләрниң аманлиқ тәдбирлирини күчәйтти

Хитай һөкүмити уйғур аптоном райониниң мәркизи үрүмчидики һәр қайси оттура - башланғуч мәктәп вә балилар бағчилириниң аманлиқини күчәйтип, мәктәп вә балилар бағчилириниң кириш - чиқиш еғизида чәкләнгән район тәсис қилған. Бу һәқтики хәвәрләрдә, даириләрниң мәктәп вә балилар бағчилириниң кириш - чиқиш еғизиға мәхсус сақчи вә бихәтәрлик хадимлирини орунлаштурғанлиқи илгири сүрүлгән.
Мухбиримиз әркин
2010.05.07
Share on WhatsApp
Share on WhatsApp

Үрүмчи шәһәр җ х идариси буйруқнамә чүшүрүп, мәктәп вә балилар бағчилириниң бихәтәрликигә тәһдит селиш характерлик җиддий вәқә йүз бәрсә, сақчи вә бихәтәрлик хадимлириниң " дәрһал һәм кәскин бир тәрәп қилиши"ни тәләп қилған.

Лекин хәвәрләрдә "дәрһал һәм кәскин бир тәрәп қилиш" дегәнликниң мәниси чүшәндүрүлмигән. Хитайда йеқиндин бери, башланғуч мәктәп вә балилар бағчилириға һуҗум қилип, адәм өлтүрүш яки балиларни зәхмиләндүрүш вәқәлири арқа - арқидин йүз бәргән. 28 ‏- Април күни җяңсуда бир адәм балилар бағчисиға һуҗум қилип, 28 балини пичақлап зәхимләндүргән иди. Бу хитай даирилирини оттура, башланғуч мәктәп вә балилар бағчилирида җиддий бихәтәрлик тәдбири елишқа мәҗбур қилған иди.

Лекин, үрүмчидики оттура - башланғуч мәктәп вә балилар бағчилирида йолға қоюлған бихәтәрлик тәдбири, 5" ‏ - июл вәқәси"ниң бир йиллиқ хатирә күнигә йеқинлап келиватқанлиқи яки ичкиридә йүз бәргән башланғуч мәктәп оқуғучилириға һуҗум қилиш вәқәлири билән мунасивәтлик икәнлики мәлум әмәс.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.