ئۇلارنىڭ رادىئومىزغا بىلدۈرۈشىچە، بۇ يىل يازدا ئۇيغۇرلارنى مەجبۇرىي كۆچۈرۈپ چېقىۋېتىلگەن زېمىنلارغا سودا دۇكانلىرى سېلىنىدىغانلىقى ھەققىدىكى ئۇچۇرلار تارقالغاندىن كېيىن،ئالدانغانلىقىنى بىلگەن زېمىن ئىگىلىرىنىڭ غەزىپى تېخىمۇ كۈچىيىپ، يېزىلىق ھۆكۈمەت ۋە بۇ ئىشقا بىۋاسىتە قول تىققان ئەمەلدارلار ئۈستىدىن داۋاملىق ئەرز قىلىش ئىرادىسى تېخىمۇ چىڭىغان.
رادىئومىز ئىلگىرىكى خەۋەرلىرىدە، قەشقەر شامالباغ يېزىسىدىكى ئۆيلىرى مەجبۇرىي چېقىۋېتىلگەن 100 نەچچە ئائىلە ئۇيغۇرغا ۋەكىل بولۇپ، بېيجىڭغا كەلگەن ئەرزدارلار تەمىنلىگەن ئۇچۇرلارنى، شۇنداقلا ئۇلارنىڭ ئىچىدىكى ئابدۇخالىق ھوشۇر ۋە مەمتىمىن قادىر قاتارلىق ئىككىيلەننىڭ 31-ئۆكتەبىر كۈنى بېيجىڭ ساقچىلىرى تەرىپىدىن تۇتۇپ كېتىلگەنلىكى قاتارلىقلار ھەققىدە خەۋەر بەرگەن ئىدۇق.