Mektep qurush namida igiliwélin'ghan zéminlargha soda dukanliri sélinidighanliqi yer igilirini ghezeplendürdi

Qeshqer shamalbagh yézisida mektepni kéngeytip qurush namida öy-zéminliri yéziliq hökümet teripidin mejburiy chéqiwétilgen 100 nechche a'ilige wekil bolup, yéqinda béyjinggha kelgen Uyghurlar, gerche türlük bésim we qorqutushlargha uchrawatqan bolsimu, emma özliri yoluqqan naheqchilikler üstidin, erz qilish üchün béyjingda dawamliq turidighanliqini bildürdi.
Muxbirimiz méhriban
2012.11.02
Share on WhatsApp
Share on WhatsApp

Ularning radi'omizgha bildürüshiche, bu yil yazda Uyghurlarni mejburiy köchürüp chéqiwétilgen zéminlargha soda dukanliri sélinidighanliqi heqqidiki uchurlar tarqalghandin kéyin,aldan'ghanliqini bilgen zémin igilirining ghezipi téximu küchiyip, yéziliq hökümet we bu ishqa biwasite qol tiqqan emeldarlar üstidin dawamliq erz qilish iradisi téximu chingighan.

Radi'omiz ilgiriki xewerliride, qeshqer shamalbagh yézisidiki öyliri mejburiy chéqiwétilgen 100 nechche a'ile Uyghurgha wekil bolup, béyjinggha kelgen erzdarlar teminligen uchurlarni, shundaqla ularning ichidiki abduxaliq hoshur we memtimin qadir qatarliq ikkiylenning 31-öktebir küni béyjing saqchiliri teripidin tutup kétilgenliki qatarliqlar heqqide xewer bergen iduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.