Xitay aliy sot mehkimisi qeshqer ottura sotni mukapatlidi

Xitay aliy sot mehkimisi qeshqer wilayetlik ottura sot mehkimisini kolléktip birinchi derijilik xizmet körsetti dep tizimgha aldi we teqdirlidi, shinxu'a agéntliqining bu heqtiki xewiridin melum bolushiche, xitay aliy sotining mexsus wekili jo'uzémin we Uyghur aptonom rayonluq yuqiri sot bashliqi, aptonom rayonluq siyasiy - qanun komitétining sékritari qatarliq bir qisim yuqiri derijilik emeldarlar qeshqerge kélip, teqdirlesh murasimi ötküzgen.
Muxbirimiz ümidwar
2009.06.07

5 - Iyun küni ötküzülgen bu pa'aliyette söz qilghan xitay aliy sot partiye guruppisining ezasi, siyasiy bashqarma bashliqi jo'uzémin qeshqer ottura sotining xizmet netijilirige yuqiri baha bergen.

Uyghur aptonom rayonluq siyasiy qanun komitétining sékritari bolsa, özining qeshqer sotigha bergen bahasida " her derijilik sot mehkimilirining muqimliqni kücheytishke hesse qoshushini, döletning bixeterlikini qoghdashni sot mehkimisining xizmitining téximu körünerlik ornigha qoyup, ' üch xil küchler' qatarliqlargha qattiq zerbe bérishini" telep qildi.

Uyghur aptonom rayonluq yuqiri sot mehkimisi her qaysi sot mehkimilirining qeshqer ottura sotidin öginish pa'aliyitini qanat yaydurushnini qarar qilghan.

Ismini ashkarilashni xalimaydighan bir neper qanun xadimining éytishiche, qeshqer qatarliq Uyghurlar köp jaylardiki sot mehkimiliri ezeldin siyasiy heriket bilen shughullan'ghanlarni qattiq jazalash pozitsiyisi tutup kelgen bolup, qeshqer ottura soti béyjing olimpiki harpisida yüz bergen bir qatar weqelerge nisbeten qattiq jazalash hökümliri chiqarghan bolup, bu qeshqer sot mehkimisining xizmet körsitishige shara'it yaratqan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.