خىتاي، ئامېرىكا - خىتاي ئارىسىدىكى ھەربىي ئالاقە ۋە ئالماشتۇرۇشنى توختاتقانلىقىنى جاكارلىدى

خىتاي دائىرىلىرى شەنبە كۈنى ئامېرىكىنىڭ تەيۋەنگە قورال سېتىپ بېرىش قارىغا ئېتىراز بىلدۈرۈپ، ئامېرىكا - خىتاي ئارىسىدىكى ھەربىي ئالماشتۇرۇشنى توختاتقانلىقىنى جاكارلىدى.
ﻣﯘﺧﺒﯩﺮﯨﻤﯩﺰ ﺟﯜﻣﻪ
2010-01-30
Share

مەلۇم بولۇشىچە، بۇ خىل توختىتىش خىتاي ھەربىي قوماندانلىق شتابىنىڭ شتاب باشلىقى چېن بىڭدېنىڭ ئامېرىكىغا قارىتا ئېلىپ بارىدىغان ھەربىي زىيارىتى ۋە ئامېرىكا دۆلەت مۇداپىئە مىنىستىرى روبېرت گېيتسنىڭ خىتايدا ئېلىپ بارماقچى بولغان زىيارەتلىرىگە تەسىر كۆرسىتىشى مۇمكىن ئىكەن.

شىنخۇا ئاگېنتلىقىدا نەقىل قىلىنىشىچە، خىتاي دۆلەت مۇداپىئە مىنىستىرلىقى ئامېرىكا ئوتتۇرىغا قويغان تەيۋەنگە قورال سېتىپ بېرىش پىلانىنىڭ ئامېرىكا - خىتاي ھەربىي مۇناسىۋەتلىرىگە ئېغىر دەخلى يەتكۈزگەنلىكى، نەتىجىدە ئامېرىكا - خىتاي ھەربىي ئالماشتۇرۇشنى توختىشىش قارارى چىقىرىلغانلىقىنى كۆرسەتكەن.

خىتاي دائىرىلىرى 2008 - يىلى سابىق پرېزىدېنت بۇش دەۋرىدىمۇ شۇنداق قارارنى ئالغان ئىدى.

ئامېرىكا دۆلەت مۇداپىئە مىنىستىرلىقى جۈمە كۈنى ئۆز توربېتىگە تەيۋەنگە ئىلغار ھەربىي تىكئۇچار، ۋەتەنپەرۋەر تىپلىق باشقۇرۇلىدىغان بومبا ۋە بىر قىسىم ھەربىي ئالاقە تېخنىكىلىرىنى تەيۋەنگە ساتىدىغانلىقىنى ئېلان قىلغان.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت