Хитай, америка дөләт мәҗлиси һазирлиған хитай һәққидики доклатни тәнқид қилди

Хитай ташқи ишларминистирлиқи җүмә күни баянат елан қилип, америка дөләт мәҗлисигә қарашлиқ америка хитай иқтисади бихәтәрлик көзитиш комитети елан қилған хитайниң иқтисади вә бихәтәрлик тәһдитигә даир доклатни тәнқид қилди.
Мухбиримиз әркин
2010-11-19
Share

Хитай ташқи ишлар министирлиқи доклаттики хитайниң һәрбий күчи вә иқтисади сияситигә даир баянларни риаллиқни бурмилиғанлиқ вә соғуқ мунасивәтләр дәвридин қалған кесәллик дәп әйиблигән.

Америка хитай иқтисади бихәтәрлик көзитиш комитетиниң алдинқи күни елан қилған 316 бәтлик доклатида енергийә, муһит, хәлқ пулиниң курси, сода - иқтисад, интернет вә учур, хитайниң һәрбий тәрәққияти вә буниң райондики америка һәрбий мәвҗутлуқиға елип келидиған тәһдити қатарлиқ мәсилиләр бойичә тәһлил йүргүзүп, нурғун тәклип - пикирләрни оттуриға қойған.

Доклатта хитай телефон алақә ширкитиниң бу йил 4‏ - айда америка интернет уланма йоллирини "гөрүгә" еливалғанлиқини илгири сүргән иди.

Хитай ташқи ишлар министирлиқи баянатчиси лей хуң җүмә күни министирлиқ тор бекитидә елан қилған баянатида, доклаттики баянларни рәт қилип, "бу доклат пакитни бир чәткә қайрип қоюп соғуқ мунасивәтләр уруши дәвриниң мәнтиқиси вә сияси бир тәрәплимилик билән толған" дәп тәкитлигән.

Лекин, у мәзкур доклаттики қайси конкрет нуқтиларниң "сияси бир тәрәплимилик, соғуқ мунасивәтләр мәнтиқиси билән толғанлиқи һәм пакитниң бир чәткә қайрип қоюлғанлиқи" ни тилға алмиди. Униң әскәртишичә, аталмиш бу комитет җуңгониң ички ишлириға арилишишни тохтитип, җуңго билән америкиниң өз ‏ - ара бир ‏ - биригә ишәнч турғузуши вә һәмкарлиқиға пайдилиқ ишларни қилиши керәк.

Америка - хитай мунасивити бу йил америкиниң тәйвәнгә қорал - ярақ сетип бериш қарари, тибәт вә хитай хәлқ пулиниң курси қатарлиқ мәсилиләр сәвәбидин көңүлсизликкә учриған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.