Xitay xakkérliri awstraliyining bashqa bir sen'et torigha hujum qildi

Mélborn sen'et féstiwalining bayanatchisining éyitishiche, xitaylar bu sen'et tor bétini: "biz kinoni yaxshi körimiz, emma rabiye qadirni yaxshi körmeymiz, u bolsa bir térrorchi", " siler derhal junggoluqlardin epu soranglar" dégendek sözler bilen qapliwetken.

Sen'et féstiwalning teshkilligüchisi wiwiya xékmen xanim xitay xakkirlarning zadi néme üchün bundaq qilghanliqini chüshenmigenlikini, bur torning isim jehettin mélborn filim féstiwaligha oxshiship kétidighanliqidin belkim mushundaq ehwal yüz bergen bolushi mumkinlikini, bu ehwalni saqchigha melum qilghanliqini bildürgen.

Xitay hökümiti awstraliye hökümitige rabiye qadir xanimning mélborn filim féstiwaligha qatnashmasliqi üchün qattiq bésim ishletken we xitay xakkirlar bundin burun mélborn filim fésitwalining tor bétigimu ikki qétim hujum qilghan idi.

Xitayning kino sen'itige siyasetni arilashturup bésim ishlitishi xelq'arada intayin küchlük naraziliq peyda qiliwatqan bolup, xitayning qilghan bésimlirining eksche, rabiye qadir xanimning hayati teswirlen'gen muhebbetning on sherti namliq bu hüjjetlik filimning béliti toluq sétilip bolghan bolup, yéqinda yéngi zéllandiyimu bu filimni qoyidighanliqini élan qilghan idi.