Xitay bashqurulidighan bombidin mudapi'elinish siniqining ghelibilik bolghanliqini élan qildi

Xitay tünügün bashqurulidighan bombidin mudapi'elinish siniqi élip barghan. Sinaqta, quruqluqni baza qilip turup, bashqurulidighan bombini hawada étip chüshürüsh téxnikisi sinalghan.
Muxbirimiz shohret hoshur
2010-01-12
Élxet
Pikir
Share
Print

Bügün bu heqte bayanat bergen xitay tashqi ishlar bayanatchisi bu qétimqi sinaqning ghelibilik bolghanliqini bildürüsh bilen bille, xitayning dölet mudapi'e siyasitining döletning igilik hoquqi, bixeterliki we zémin pütünlükini qoghdashni meqset qilghanliqini tekitligen. U yene bu qétimqi sinaqning pütünley mudapi'e xaraktérlik ikenlikini, héchqandaq bir döletke qaratmiliqi yoqluqini eskertken.

Bu qétimqi sinaqning aldida, amérika teywen'ge ilghar tiptiki bashqurulidighan bomba sétip bérishni qarar qilghan, xitay buninggha qattiq qarshi chiqqan idi.

Tünügün amérika tashqi ishlar ministiri hillariy klinton, xitay - amérika munasiwetliri heqqide toxtilip, yéqinqi mezgil ichide amérika bilen xitayning munasiwitide jiddiylishish éhtimali barliqini étirap qilghan. U amérikining teywen'ge qoral sétip bérishi we obamaning dalay lamani qobul qilish pilani xitay - amérika munasiwitini qiyin bir basquchqa élip kirishi mumkin dégen.

Toluq bet