Хитайниң бермидики әлчиханиси бермида давамлишиватқан мис кени қурулушиға наразилиқ намайиши һәққидә баянат елан қилди

Хитайниң бермидики әлчиханиси 30-ноябир күни әлчихана тор бекитидә баянат елан қилип, бермида давамлишиватқан мис кени қурулушиға наразилиқ намайишиға ипадә билдүрди.
Мухбиримиз меһрибан
2012-11-30
Елхәт
Пикир
Share
Принт

Хитайниң берма әлчиханиси баянатида, бермидики мис кени қурулушиниң берма һөкүмити билән түзүлгән келишимгә әмәл қилиш принсипи бойичә қурулуш елип бериватқанлиқини билдүрүп, мунасивәтлик мәсилиләрни икки тәрәп келишиш арқилиқ һәл қилса болидиғанлиқини илгири сүргән.

Икки күндин буян бермидики аһалиләр, оқуғучилар вә будда раһиплиридин тәшкилләнгән зор көләмдики намайишчилар, хитай-берма ширикчиликидә, бермида ечиливатқан мис кени қурулуши сәвәблик, йәрлик аһалиләрниң өй-маканлиридин айрилишқа мәҗбур қилинғанлиқи һәм мис кениниң муһитни еғир булғайдиғанлиқиға наразилиқ билдүрүп намайиш қилған иди.

Бермидики өктичи тәрәп вәкили ансаң сучи бермида йүз бәргән наразилиқ намайишиниң тәрәққиятиға көңүл бөлүватқанлиқини билдүрди. Ансаң сучи 30-ноябир күни айрим-айрим һалда, бермидики намайишчи амма вәкиллири вә берма һөкүмәт тәрәп сақчилириниң вәкиллири билән көрүшкән вә мәсилини һәл қилишни тәләп қилған иди.

Пикирләр (0)
Share
Толуқ бәт