خىتاي دائىرىلىرى 20 ئۇيغۇرنى بۆلگۈنچىلىك جىنايىتى بىلەن قاماق جازاسىغا ھۆكۈم قىلدى

بۈگۈن خىتاينىڭ ھۆكۈمەت ئاۋازى بولغان شىنخۇا ئاگېنتلىقى ئۇيغۇر ئېلىنىڭ ئوخشىمىغان رايونلىرىدىن جەمئىي 20 ئۇيغۇرنىڭ بۆلگۈنچىلىك، دىنىي ئەسەبىيلىك قاتارلىق جىنايەتلەر بىلەن قارىلىنىپ، قاماق جازاسىغا ھۆكۈم قىلىنغانلىقىنى جاكارلىدى.
مۇخبىرىمىز ئىرادە
2012.08.02

خەۋەردىن قارىغاندا، بۇ كىشىلەر ئىنتېرنېت ئارقىلىق، بۆلگۈنچىلىك، تېررورلۇق ۋە جىھات تەشۋىق قىلىنغان ماتېرىياللارنى تارقاتقانلىقى، يىغىپ ساقلىغانلىقى ۋە كۆرگەنلىكى ئۈچۈن ئايرىم-ئايرىم ھالدا 13 يىلدىن 15 يىللىققىچە بولغان ئېغىر قاماق جازاسى بىلەن جازالاندۇرۇلغان. ھازىرغىچە بېرىلگەن مەلۇماتلاردىن پەقەت ئۇلارنىڭ 8 ئىنىڭ ئاقسۇدىن، 3 ئىنىڭ قەشقەر ۋىلايىتىدىن ۋە قالغانلىرىنىڭ ئۈرۈمچىدىن ئىكەنلىكى مەلۇم بولدى.

دۇنيا ئۇيغۇر قۇرۇلتىيى بۈگۈن بايانات ئېلان قىلىپ، ۋەقەگە قاتتىق نارازىلىق بىلدۈردى. ئۇلار خىتاي ھۆكۈمىتى جىنايەت دەپ ئاتاپ، ئېغىر قاماق جازاسى بېرىۋاتقان ئىنتېرنىت ئىشلىتىشنىڭ كىشىلەرنىڭ ئەڭ ئاساسىي ھوقۇقى ئىكەنلىكىنى ئەسكەرتتى.

خىتاي ھۆكۈمىتىنىڭ 20 ئۇيغۇرنى بۆلگۈنچىلىك بىلەن جازالىشى بىرلەشمە، رويتېرس، فرانسىيە ئاگېنتلىقى، ب ب س ۋە شۇنىڭدەك باشقا خەلقئارا مەتبۇئاتلارنىڭمۇ دىققىتىنى تارتتى. مەزكۇر خەۋەر چەتئەللەردىكى ئۇيغۇرلارنىڭ قاتتىق غەزىپىنى قوزغىماقتا.

ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.