Xitay da'iriliri 20 Uyghurni bölgünchilik jinayiti bilen qamaq jazasigha höküm qildi

Bügün xitayning hökümet awazi bolghan shinxu'a agéntliqi Uyghur élining oxshimighan rayonliridin jem'iy 20 Uyghurning bölgünchilik, diniy esebiylik qatarliq jinayetler bilen qarilinip, qamaq jazasigha höküm qilin'ghanliqini jakarlidi.
Muxbirimiz irade
2012.08.02

Xewerdin qarighanda, bu kishiler intérnét arqiliq, bölgünchilik, térrorluq we jihat teshwiq qilin'ghan matériyallarni tarqatqanliqi, yighip saqlighanliqi we körgenliki üchün ayrim-ayrim halda 13 yildin 15 yilliqqiche bolghan éghir qamaq jazasi bilen jazalandurulghan. Hazirghiche bérilgen melumatlardin peqet ularning 8 ining aqsudin, 3 ining qeshqer wilayitidin we qalghanlirining ürümchidin ikenliki melum boldi.

Dunya Uyghur qurultiyi bügün bayanat élan qilip, weqege qattiq naraziliq bildürdi. Ular xitay hökümiti jinayet dep atap, éghir qamaq jazasi bériwatqan intérnit ishlitishning kishilerning eng asasiy hoquqi ikenlikini eskertti.

Xitay hökümitining 20 Uyghurni bölgünchilik bilen jazalishi birleshme, roytérs, fransiye agéntliqi, b b s we shuningdek bashqa xelq'ara metbu'atlarningmu diqqitini tartti. Mezkur xewer chet'ellerdiki Uyghurlarning qattiq ghezipini qozghimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.