Хитай һөкүмити испанийә сотиниң қарариға наразилиқ билдүрди

Хитай һөкүмитиниң ташқи ишлар баянатчиси ма җавшу 7 - май күни бейҗиңда мухбирларға баянат елан қилип, испанийә һөкүмитиниң шизаң аптоном районлуқ парткомниң секретари җаң чиңли һәм уйғур аптоном райони партком секретари ваң лечуән қатарлиқ 8 кишини, "инсанийәткә қарши җинайәт өткүзгән " дәп әйибләп, хәлқара қанун буйичә сотлимақчи болғанлиқидәк қарариға наразилиқ билдүрди.
Мухбиримиз миһрибан
2009-05-07
Елхәт
Пикир
Share
Принт

Ма җавшу баянатида " бултур ласада партлиған " 14 - март топилиңи" еғир малиманчилиқ вәқәси болуп,җуңго һөкүмитиниң бу ишни дөләт қануни бойичә бир тәрәп қилиш һоқуқи бар."Деди.

Ма җавшу мухбирниң " испанийә сотиниң бу һөкүми җуңго - испанийә дөләтлириниң мунасивитигә тәсир йәткүзәмду?"дегән соалиға җаваб берип, " мән башқа дөләтләрниң хәлқара қанунларни дәстәк қилип, җуңгониң ички ишлириға арилашмаслиқини, җуңгони парчилимақчи болған бөлгүнчи күчләргә янтаяқ болмаслиқини үмид қилимән," деди.

2009 - Йили 5 - айниң 6 - күни, испанийә сотчиси сантяго пәдраз тибәт, уйғур вә башқа милләт районлирида инсанийәткә қарши туруш җинайити өткүзгән хитай диктаторлирини, хәлқарада тутуш һәққидә буйруқ чиқарғанлиқини хитайниң әдлийә министирлиқиға уқтурған иди.

Испанийә дөләт сотиниң бу сотчиси инсанийәткә қарши турған җинайәт гумандарлири дәп атиған сәккиз кишиниң ичидә, хитай коммунист партийиси сиясий бюросиниң әзаси вә уйғур аптоном район секретари ваң лечүән, хитай коммунист партийисиниң тибәткә қойған секретари җаң чиңли, хитайниң дөләт мудапиә министири ляң гуаңлйе, дөләт бихәтәрлик министири гең хуйчаң, җамаәт хәвпсизлик миниситри мең җйәнҗу, миллий ишлар комитетиниң башлиқи ли деҗу қатарлиқлар бар иди.


Пикирләр (0)
Share
Толуқ бәт