Тәйвән йеқинда уйғур, тибәт мәсилисидә хитайниң ғәзипини кәлтүрүши мумкин

Ройтерс агентлиқиниң баян қилишичә, пәйшәнбә күни - коммунист хитай һакимийәт қурғанлиқиниң 60 йиллиқини чоң тәбрикләйдиған күни, тәйвәндә уйғур рәһбири рабийә қадир һәққидики вә тибәт тәшкилатлириниң башлиқи дондуп вунчин һәққидики икки һөҗҗәтлик филим қоюлиду. Бу, хитайниң ғәзипини кәлтүрүши мумкин.
Мухбиримиз вәли
2009-09-30
Share

Хитай һазирға қәдәр уйғур рәһбири рабийә қадирни 'үрүмчи вәқәсини қозғиди,' дәп әйибләп келиватиду.

Муһаҗирәттики тибәтләрниму, һәтта далай ламаниму миллий бөлгүнчи дәп әйибләп келиватиду. 1949 ‏ - Йили мавзедоң билән җаң кәйши оттурисида йүз бәргән ички урушта хитайдин бөлүнүп чиққан тәйвәнниму, һазирға қәдәр өзиниң земини дәп җакарлап келиватиду.

Буниңдин бурун далай ламаниң тәйвәнгә тәклип қилиниши түпәйлидин хитай билән тәйвән оттурисида йүз бәргән җиддийликни, гәрчә тәйвәндики гоминдаң партийиси пәсәйтип туриватқан болсиму, тәйвәндә бу қетим муһаҗирәттики уйғурлар вә тибәтләр һәққидики һөҗҗәтлики филимләрни коммунист хитайниң 60 йиллиқини чоң тәбрикләйдиған күнидә қойса, бу икки тәрәп мунасивитидики мәсилиләрни мүшкүлләштүрүп қойидиғанлиқи тәсәввурдин йирақ әмәс.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт