Хитай даирилири уйғур елидин енергийә йөткәш қәдими техиму тезләтмәкчи

Хитай компартийисиниң 16 - қурултийидин кейин хитай даирилири уйғур елидә нефит, тәбиий газ, ток вә ташйол линийиси қурулушини техиму күчәйткән. “тәңритағ” торида нәқил елип көрситишичә, даириләр шундақ қилиш арқилиқ уйғур елидә “һавада ток йөткәш”, “йәр үстидә көмүр йөткәш”, вә “йәр астида газ йөткәш” қатарлиқ қатламлиқ енергийә йөткәш тонили һасил қилишни дәсләпки қәдәмдә ишқа ашурған.
Мухбиримиз җүмә
2012.07.14


Хәвәрдә көрситишичә, хитай һөкүмити нөвәттә уйғур елини хитайниң әң чоң енергийә базиси вә қуруқлуқтики чоң енергийә тонили қилип қуруп чиқишқа тиришмақта икән.

Хәвәрдә нәқил қилишичә, аптоном районлуқ сиясий кеңәш рәиси лю йәнляң: шинҗаң дөлитимизниң әң муһим истратегийилик енергийә ечиш вә запас сақлаш базиси, дегән вә енергийә тонили қурулушиниң хитайниң енергийә бихәтәрликигә мунасивәтлик муһим хизмәт икәнликини билдүргән.

Хитай “ғәрбиниң газини шәрққә йөткәш сиясити” дин башқа йеқинқи йиллардин башлап “ғәрбниң токини вә көмүрлирини шәрққә йөткәш” истратегийисини түзүп чиқип, енергийә йөткәш қәдими техиму тезләткән иди.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.