Xitayda 28 yesli balisi pichaqliq hujumgha uchridi

Shinxu'a agéntliqining xewer qilishiche, weqede yene mezkur balilar baghchisining 2 neper oqutquchisi we bir neper amanliq saqlighuchisimu yarilan'ghan.

Da'irilerning bildürüshiche, qatil qolgha élin'ghan bolup, uning 47 yashliq ishsiz bir kishi ikenliki melum bolmaqta, emma uning bu jinayetni néme üchün ishligenliki heqqide xitay da'iriliri téxi éniq ipade bildürmidi.

Xitayda yéqinqi ikki aydin béri ösmür balilargha hujum qilish weqeliri arqa - arqilap meydan'gha kelmekte. Téxi bundin bir kün awwal gu'angdung ölkisi léyjow shehiridiki bir bashlan'ghuch mektep oqughuchiliri pichaqliq bir kishining hujumigha uchrap weqede 18 oqughuchi we bir oqutquchi yarilan'ghan idi.

12 - Aprél küni yene gu'angshi ölkisi xépu nahiyiside pichaq kötürgen bir kishi bashlan'ghuch mektep balilirigha hujum qilip bir balini we bir kishini öltürgen. Aldinqi ayda fujyen ölkisining nenping shehiridimu yene oxshash weqe yüz bérip 8 kishi ölgen we 5 kishi éghir yarilan'ghan idi.

Hazir xitaydiki bu kichik balilargha hujum qilish weqelirining zadi néme üchün kélip chiqiwatqanliqi, buning ijtima'iy arqa körünüshi heqqide bes - munaziriler élip barmaqta.