Xitayda yéngidin yene töt neper choshqa zukami yuqumdarliri bayqaldi

Xitay sehiye ministirliqi 12 - may küni xitay chégrisi ichide choshqa zukam yuqumdarlirining köpeygenlikini élan qildi. Bu heqtiki melumatta körsitishiche, seyshenbe küni sendung ölkisi jinen shehiridiki yuqumluq késelliklerning aldini élish ornigha tekshürüshke kelgen lü famililik bir aliy mektep oqughuchisining h1n1 yuqumluq wirusi bilen yuqumlan'ghanliqi éniqlan'ghan.
Muxbirimiz gülchéhre
2009-05-12
Share

19 Yashliq lü 7 - may küni kanadadiki oquwatqan mektipidin ayrilip xitaygha qarap yolgha chiqip béyjingda ayropilandin poyizgha almiship 12 - may etigende jinen'ge yétip kelgen iken.
 
Sehiye tarmaqlirining bu yuqumdarning kanadadin jinen'giche bolghan seperdashlirini éniqlash hem alaqe baghlash ishlirini dawam qilmaqta iken.

Seyshenbe küni kechte yene chungching sheherlik sehiye tarmaqlirimu 11 - maydin 12 - maygha qeder chongchingda ilgiri ‏ - axir üch neper h1n1 yuqumdarining bayqalghanliqini we yene ular bilen yéqin alaqide bolghan üch neper gumandarning közitiliwatqanliqini,karantin qilin'ghanlarning 27 neperge yetkenlikini élan qildi.

Da'iriler chongchingdiki yuqumdarning ikkisining chet'ellik, birining yerlik kishi ikenlikini qeyt qilghan bolsimu, ularning isim we dölet tewelikini ashkarilimidi. Tünügün 30 yashliq baw famililik amérikidin xitaygha qaytqan bir xitay oqughuchining choshqa zukami bilen yuqumlan'ghanliqining éniqlinishi, xitay chong quruqluqidiki h1n1 wirosi bilen yuqumlan'ghan'ghuchining tunji qétim ashkarilinishi idi. Xitaydiki choshqa zukam yuqum ehwalining kündilik özgirishi pütün dunyaning diqqitini tartmaqta.

Dunya sehiye teshkilatining élan qilghan eng yéngi sitatistikigha qarighanda h1n1 yuqumluq zukam wirusi 30 döletke taralghan, yuqumdarlar 5251 neperge, ölgenler 61 neperge yetti.


 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet