Чошқа зукаминиң тарқилиш даириси кеңийиватиду

Дуня сәһийә тәшкилатниң бүгүнки мәлуматидин қариғанда, чошқа зукаминиң тарқилиш даириси кеңийиватиду. Мекискида һазирға қәдәр чошқа зуками вируси билән юқумланғанлиқи ениқланған адәм сани 395 кә йәтти бу хил йоқумлуқ кесәллик мекискидин дуня тарқалғандин кейин, һазирға қәдәр башқа дөләтләрдә юқмланғанлиқи ениқланған бимар сани 365 кә йәтти.
Мухбиримиз вәли
2009-05-02
Share

Франисйә агентлиқиниң баян қилишичә, җәнубий корийидә бир бимарниң, италийидә бир бимарниң чошқа зуками вируси билән юқумланланғанлиқи ениқланди.

Мәркизи агентлиқиниң токйодин баян қилишичә, японийә сәһийә миниситири йойчи масузой дуня сәһийә тәшкилатиға, чошқа зукаминиң тарқилиши һәққидики агаһландуруш дәриҗисини һазирқи 5 ‏ - дәриҗидин әң юқури дәриҗигә, йәни 6 ‏ - дәриҗигә көтүрүшни тәшәббус қилди.

Японийниң юқумлуқ кесәлликлләрдин сақлиниш тармақлириниң баян қилишичә, һазир чошқа зукаминиң юқуш иқтидари интайин күчлүк әмәстәк көрүнсиму, әмма һазир бухил кесәлликни юқтурувалған шәхсниң үчинҗи бир шәхскә юқтуруши келип чиқип, тарқилиши кеңийиватиду, болупму балиларға вә яшанғанларға болған тәһдити өрләватиду.

Америка авазниң баян қилишичә, америка президенти барәк обама чошқа зуками мәсилиси буйичә иккинҗи қетимлиқ кабинит йиғини ечип 'чошқа зукаминиң тарқилиш тезлики башқа хилдики зукамлардин қанчилик пәр қилидиғанлиқи техи намәлум, әмма биз бухил юқумлуқ зукамниң тарқилиши әң тез болидиған мушу пәсилдә әң яман вәзийәтниң йүз беришини көздә тутуп тәйярлиқ көримиз' дәп җакарлиди.

Ройтрс агентлиқиниң бейҗиңдин баян қилишичә, хитай бүгүн мекиска билән хитай оттурисидики юлучилар айрупиланини вә мекиска - шаңхәй - хоңкоңлар ара сода қилип юридиған йолучиларниң өткүнҗи визисини әмәлдин қалдурғанлиқини җакарлиди вә мекискида туруватқан хитай пуқралирини қайтуруп келишни пиланлиди. Шундақла йәнә, хитай һазир чәтәлләрдин кеилидиған почта халтилириниму қаттиқ тәкшүрүшкә башлиди.

'Шинҗаң гезити' ниң бүгүн баян қилишичә, хитай һөкүмити чошқа зуками тез тарқиливатқан вәзийәткә тақабил туруш үчүн, 'чошқа зукаминиң дөлитимизгә киришиниң алдини елиш ' дегән нам астида, 4 ‏ - айниң 30 ‏ - күнидин башлап алатав чегра понкитида юлучиларни қаттиқ тәкшүрүшкә башлиди.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт