Хитайниң зеҗин кан ширкити кан вәқәсидә өлгәнләргә 50 милйон йүән төләм бәрмәкчи

Хитайниң чоң ширкәтлиридин зеҗин кан ширкити, сәйшәнбә күни баянат елан қилип, бу йил сентәбирдә кан өрүлүш вәқәсидә өлгән 22 кишиниң аилисигә җәмий 50 милйон төләм төләйдиғанлиқини билдүргән.
Мухбиримиз шөһрәт һошур
2010-12-29
Share

Баянатта билдүрүлүшичә, ширкәт 50 милйон пулни мәзкур аилиләргә йәткүзүп бериш үчүн һөкүмәтниң алақидар органлириға тапшуруп болған. Бу кан өрүлүш вәқәси бу йил 9 ‏-айда гуаңдуң өлкисиниң шинйи шәһиридә йүз бәргән. Алақидар орунлар тәкшүрүш давамида, вәқәниң қурулуш әслиһәлириниң өлчәмлик әмәсликидин келип чиққанлиқини ениқлап чиққан.

Көзәткүчиләрниң қаришичә, хитайда кан ишчилириниң өлүш вә ярилиниш вәқәлири һәр вақит йүз берип туруватқан болсиму, буларниң ичидә көпинчиси һечқандақ яки йетәрлик дәриҗидә төләмгә еришәлмигән. Уйғур көзәткүчиләрниң билдүрүшичә, дөләт вә һөкүмәт органлириниң мәсулийәтсизлики сәвәбидин зиянкәшликкә учриғучиларниң төләмгә еришәлмәслик әһвали уйғур елидә техиму көп.

1993 ‏-Йили қәшқәрдә елип берилған бир қетимлиқ һәрбий мәшиқтин кейин, һәрбийләрниң мәсулийәтсизлики сәвәбидин, пакиз тазиланмиған мәшиқ мәйданида қалдуқ бомба партлаш вәқәси йүз берип, оннәччилигән өсмүр бала өлгән вә яриланған. Буларниң һечбиригә мәйли һөкүмәт, мәйли һәрбий қисим һечқандақ төләм бәрмигән. Бу вәқәдә зиянкәшликкә учриғучилардин турсун ғопур нөвәттә бейҗиңда төләм тәләп қилип, 10 нәччә йилдин бери әрз иши билән мәшғул болмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт