Sabiq mehbus memettursun osman: "Kamérdishim tursuntoxti sojang pasport béjirishte keng qolluq qilghachqa tutulghan"

Muxbirimiz shöhret hoshur
2019-08-21
Élxet
Pikir
Share
Print
Sabiq mehbus memettursun osman.
Sabiq mehbus memettursun osman.
Photo: RFA

Sabiq mehbus memettursun osmanning ashkarilishiche, u qamaqtiki mezgilide qaraqashning yawa yéziliq saqchixanisining bashliqi tursuntoxti bilenmu bir kamérda yatqan. Tursuntoxti wezipidiki mezgilide pasport resmiyetlirini béjirishte keng qolluq qiliwetkenliki we "Qattiq zerbe bérish" dolqunida aktip bolmighanliqi üchün tutqun qilin'ghan. Muxbirimizning yawa yézisigha qarita élip barghan téléfon ziyaretliri dawamida ilgiri bu yéza saqchixanisida tursuntoxti mexsut isimlik birining siyasiy yétekchi bolup ishligenliki we kéyin wezipisidin élip tashlinip qamaqqa élin'ghanliqi delillendi.

Xoten gumaliq sabiq mehbus memettursun osman özi bir qamaqxanida yatqan 50 nechche tutqun arisida qaraqash nahiye yawa yéziliq saqchixanining bashliqi tursuntoxtiningmu barliqini tilgha aldi. Yawa yéziliq edliye ponkitining xadimi bu yézida ilgiri tursuntoxti isimlik bir saqchixana bashliqning bolghan yaki bolmighanliqi heqqidiki so'alimizgha jawab bérishtin özini qachurdi.

Memettursun osmanning déyishiche, tursuntoxti wezipidiki mezgilide pasport béjirishte keng qolluq qilghanliqi, yeni atalmish jinayet ötküzüsh éhtimalliqi bolghan kishilergimu pasport iltimasigha kéreklik resmiyetlerni béjirip bergenliki üchün tutqun qilin'ghan iken. Téléfonimizni qobul qilghan yawa yéziliq saqchi xadimimu özining xizmetke yéngi chüshkenlikini seweb qilip körsitip, ilgiriki saqchixana bashliqining kimlikidin xewersizlikini éytti. Memettursun osmanning déyishiche, tursuntoxti 3 türlük atalmish "Jinayet" bilen tutulghan, bulardin biri, 2014 ‏-yili may éyidin bashlan'ghan atalmish "Térrorchilargha qattiq zerbe" bérish dolqunida aktip bolmighanliqidur. Memettursun osman tursuntoxti bille yatqan waqtining 2017 ‏-yili 7 ‏-ikenlikini we uning shu yil 6‏-aylarda tutulghan bolush éhtimalliqini tilgha aldi. Emma uning familisini esliyelmidi.

Yawa yézisidiki melum bir kent xadimi yawa yézisida aldinqi yili xataliship qamaqxanigha élin'ghan saqchixana bashliqining tursuntoxti mexsut dégen kishi ikenlikini ashkarilidi. Bu xadim tursuntoxti mexsutning mezkur saqchixanining siyasiy yétekchisi ikenliki we pasport béjirishtiki keng qolluqi seweblik tutqun qilin'ghanliqini delillidi. Emma u tursuntoxtining nöwettiki ehwali, yeni uning késilgen yaki hélihem qamaqta ikenliki heqqide melumat bérelmidi.

Tursuntoxtining qamaqxanida tutup turuluwatqan mezgilide hetta kocha aylandurup sazayi qilin'ghanliqini tilgha alghan memettursun osman, tursun toxtining qamaqtiki chéghidiki perezlirige asasen az dégendimu 10 yildin artuq késilgenlik éhtimalliqini otturigha qoydi.

Pikirler (0)
Share
Toluq bet