“шинҗаң сақчи архиплири” ниң ашкарилиниши мунасивити билән мюнхенда хитайға қарши намайиш елип берилди

Ихтиярий мухбиримиз әкрәм
2022-05-25
Share
“шинҗаң сақчи архиплири” ниң ашкарилиниши мунасивити билән мюнхенда хитайға қарши намайиш елип берилди Дуняниң һәрқайси җайлиридин д у қ уюштурған миллий кеңәш йиғиниға қатнишиш үчүн германийәниң мюнхен шәһиригә җәм болған уйғурлар “шинҗаң сақчи архиплири” ниң ашкарилиниши мунасивити билән өткүзгән намайиштин көрүнүш. 2022-Йили 25-май, мюнхен, германийә.
RFA/Ekrem

Дуняниң һәрқайси җайлиридин д у қ уюштурған миллий кеңәш йиғиниға қатнишиш үчүн германийәниң мюнхен шәһиригә җәм болған уйғурлар бүгүн, йәни 25-май күни “шинҗаң сақчи архиплири” ниң ашкарилиниши мунасивити билән мюнхендики хитай консулханисиниң алдида наразилиқ намайиши елип барди.

Д у қ рәиси долқун әйса әпәнди намайиш башлиниши билән нутуқ сөзләп, бу “архип” ниң йиллардин буян муһаҗирәттики уйғур тәшкилатлири, җаза лагерлири шаһидлири оттуриға қоюп кәлгән хитайниң ирқий қирғинчилиқ җинайәтлирини йәнә бир қетим испатлиғанлиқини тәкитлиди.

Дуняниң һәрқайси җайлиридин д у қ уюштурған миллий кеңәш йиғиниға қатнишиш үчүн германийәниң мюнхен шәһиригә җәм болған уйғурлар “шинҗаң сақчи архиплири” ниң ашкарилиниши мунасивити билән өткүзгән намайиштин көрүнүш. 2022-Йили 25-май, мюнхен, германийә.

Америкадин келип бу намайишқа қатнашқан америка аләм қатниши идарисиниң тәтқиқатчиси доктур әркин сидиқ әпәнди нәқ мәйданда зияритимизни қобул қилғанда, бу намайишниң дәл вақтида уюштурулғанлиқини тилға алди. японийәдин келип бу намайишқа қатнашқан илһам маһмут әпәндиму мәзкур намайиш тоғрисида қарашлирини баян қилип өтти.

Намайиш җәрянида германийә йешиллар партийәсиниң сабиқ рәһбәрлиридин маргарита бавзи ханимму нутуқ сөзләп, “шинҗаң сақчи архиплири” ниң ашкарилиниши тоғрисида өз пикирлирини баян қилип өтти. Канададин кәлгән уйғур сиясий паалийәтчилиридин мәмәт тохти әпәндиму намайиш тоғрисидики тәсиратлирини биз билән ортақлашти.

Дуняниң һәрқайси җайлиридин д у қ уюштурған миллий кеңәш йиғиниға қатнишиш үчүн германийәниң мюнхен шәһиригә җәм болған уйғурлар “шинҗаң сақчи архиплири” ниң ашкарилиниши мунасивити билән өткүзгән намайиштин көрүнүш. 2022-Йили 25-май, мюнхен, германийә.

Мәзкур намайишқа йәнә һәрқайси әлләрдин бир қисим лагер шаһидлириму келип қатнашқан иди. Голландийәдин кәлгән лагер шаһиди қәлбинур сидиқ ханимму намайиш җәрянида нутуқлар сөзлиди вә зияритимизни қобул қилип өзиниң һаяҗанлирини ипадә қилди.

Бир саәт давам қилған бу намайиш җараңлиқ шуарлар билән наһайити җанлиқ кәйпият ичидә өтти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт