Darwaz adil hoshur: "Men qurultaygha sérk meydani qurup bérish teklipini sundum"

Ixtiyariy muxbirimiz haji qutluq qadiri
2016-03-10
Élxet
Pikir
Share
Print
Süret, adil hoshurning bundin burunqi melum maharet körsitishlerning biride ghelibidin kéyinki xoshalliqqa chömgen körünüshliridin biri.
Süret, adil hoshurning bundin burunqi melum maharet körsitishlerning biride ghelibidin kéyinki xoshalliqqa chömgen körünüshliridin biri.
AFP Photo

Xitay taratqulirida déyilishiche, 7-mart chüshtin burun 12-nöwetlik memliketlik xelq qurultiyi 4-yighinigha qatnishiwatqan Uyghur aptonom rayon wekiller ömiki omumiy yighinda özlirining bezi bir pikir we teleplirini otturigha qoyghan.

Biz bu munasiwet bilen 10-mart, béyjing waqti chüshtin kéyin sa'et ikkide memliketlik xelq qurultiyigha qatnishiwatqan Uyghur aptonom rayonluq sérk ömikining döletlik 1-derijilik darwaz mahiri adil hoshur bilen bu heqte téléfon söhbiti élip barduq.

Söhbitimizde darwaz adil hoshur, özining bu qétimqi qurultayda merkizi hökümettin Uyghur aptonom rayonigha sérk meydani qurup bérish teklipini otturigha qoyghanliqini we özining ilgiri xelq qurultiyigha sun'ghan bezi bir teleplirining orunlan'ghanliqini bayan qildi. U, shundaqla muxbirlarning so'allirigha jawab bergende Uyghur élining muqimliqi we tereqqiyati toghrisida tepsiliy toxtalghanliqini tekitlidi.

Biraq, bu heqte toxtalghan yaponiye kyushu uniwérsitétining pelsepe penliri tetqiqatchisi muxterjan abduraxman, xitay xelq qurultiyida otturigha qoyulghan pikir we teleplerning asasen ijra qilinmaydighanliqini bildürdi.

Shundaqla tetqiqatchi muxterjan abduraxman xitay teshwiqatlirida déyiliwatqan Uyghur élidiki tereqqiyat we muqimliqning heqiqiy mahiyettiki güllinish we inaqliqning ipadisi emeslikini ilgiri sürdi.

Töwende diqqitinglar, xitay xelq qurultiyi wekili darwaz adil hoshur bilen élip bérilghan söhbitimizde bolghay.

Yuqiriqi awaz ulinishidin tepsilatini anglang.

Toluq bet