Dolqun eysa: “2018-Yili sherqiy türkistan mesilisi tarixtiki herqandaq zaman'gha qarighandimu keng tonuldi”

Ixtiyariy muxbirimiz ekrem
2018.12.26
Share on WhatsApp
Share on WhatsApp
dolqun-eysa-2018-jenwe-namayish.jpg Minglighan Uyghurlar b d t bash shtabi aldida ötküzgen xitaygha qarshi keng kölemlik namayishida d u q re'isi dolqun eysa ependi nutuq sözlimekte. 2018-Yili 6-noyabir, shiwétsiye.
RFA

Dunya Uyghur qurultiyi rehberliri 2018-yilliq pa'aliyetliri we 2019-yilliq pa'aliyet pilanliri toghrisida toxtaldi.

Bügün d u q rehberliri ziyaritimizni qobul qilip, 2018-yilliq pa'aliyetliri toghrisidiki xulasilirini bayan qilish bilen birge, yene d u q ning 2019-yilliq pa'aliyet pilanliri toghrisidimu etrapliq melumat berdi.

D u q ning re'isi dolqun eysa ependi bu heqte toxtalghanda aldi bilen xitayning 2018-yili Uyghur diyarida élip barghan zulum siyasetliri, bolupmu jaza lagérlirining muhajirettiki Uyghurlarning oyghinishigha zor derijide türtke bolghanliqini tilgha aldi. U sözide muhajirettiki milliy heriketning netijiside xitay hakimiyitining qismen bolsimu jaza lagérlirini étirap qilishqa mejbur bolghanliqini, Uyghurlar mesilisining xelq'arada qiziq téma haligha kelgenlikini ilgiri sürdi.

Dolqun eysa ependi xitayning jaza lagérliri we muhajirettiki Uyghurlarning buninggha bolghan küchlük qarshiliqliri netijiside Uyghurlar mesilisining yawropa ittipaqi, b d t hemde amérika dölet mejliside küntertipke kelgenlikini eskertti. U yene 2019-yilliq pa'aliyet pilanliri heqqide toxtilip, 2019-yili dunya miqyasida xitaygha qarshi zor kölemlik naraziliq heriketlirining barliqqa kélidighanliqigha bolghan ishenchini tekitlidi.

D u q ning mu'awin re'isi perhat muhemmidi ependi bu heqte toxtalghanda xitay hakimiyitining Uyghurlar üstidin yürgüzüwatqan zulum siyasetlirining 2019-yili yenimu küchiyishi mumkinlikini bayan qildi. U sözide d u q ning 2019-yili siyasiy küreshlirini yenimu kücheytish pilanlirini tüzüwatqanliqini tekitlep ötti. U yene gherb démokratik elliri, islam dunyasi we türk alimide Uyghurlar mesilisining 2019-yili yuqiri dolqun'gha kötürülidighanliqi alahide tekitlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.