Шаир таһир һамут изгил: “шеирлиримда хәлқимниң бешиға кәлгән күлпәтләр әкс етиду”

Вашингтондин мухбиримиз нуриман тәйярлиди
2024.06.06
tahir-hamut-oslo-mukapat-2 “осло әркинлик мунбири” дә “кишилик һоқуқ фонди” тәрипидин тарқитилидиған “васлав хавел хәлқара иҗадий өктичилик мукапати” ға еришкән таһир һамут изгил әпәнди тонуштурулуватқан көрүнүш. 2024-Йили 4-июн, осло.
Facebook/Tahir Hamut Izgil

4-Июн күни, норвегийәниң пайтәхти ослода өткүзүлгән 2024-йиллиқ “осло әркинлик мунбири” (OFF) дә уйғур әдиб вә шаир таһир һамут изгил әпәнди “кишилик һоқуқ фонди” тәрипидин тарқитилидиған “васлав хавел хәлқара иҗадий өктичилик мукапати” (Václav Havel International Prize for Creative Dissent) ни тор арқилиқ тапшурувалған.

Мәзкур мукапат, кишилик һоқуқ фондиниң қурғучиси тсор халворсен (Thor Halvorssen) ейтқандәк, җасарәт вә иҗадчанлиқ арқилиқ зораванлиқларни ашкарилап бәргән өктичиләргә берилидиған мукапат иди.

“осло әркинлик мунбири” дә мукапатқа еришкәнләр. 2024-Йили 4-июн, осло.
“осло әркинлик мунбири” дә мукапатқа еришкәнләр. 2024-Йили 4-июн, осло.
Facebook/Tahir Hamut Izgil

Шаир таһир һамут изгил әпәндиниң радийомизға билдүрүшичә, униң бу мукапатқа еришишигә “кечидә тутқун қилинишни күтүш” намлиқ әслимә китаби асаслиқ рол ойниған. “кишилик һоқуқ фонди” бу китабқа “уйғурларға қаритиливатқан ирқий қирғинчилиқни дуняға ашкарилашта рол ойниған аз сандики гуваһлиқларниң бири” дәп баһа бәргән.

У мукапатни тапшурувелиш үчүн нәқ мәйданға баралмиған болсиму, өзиниң “җаваб” намлиқ шеирини “осло әркинлик мунбири” ниң йиғин залидики чоң екранда декламатсийә қилиш арқилиқ өзиниң йүрәк сөзлирини ипадилигән.

“кишилик һоқуқ фонди” тәрипидин тарқитилидиған “васлав хавел хәлқара иҗадий өктичилик мукапати” ға еришкән таһир һамут изгил әпәнди “осло әркинлик мунбири” дә өзиниң “җаваб” намлиқ шеирини син арқилиқ оқуватқан көрүнүш. 2024-Йили 4-июн.
“кишилик һоқуқ фонди” тәрипидин тарқитилидиған “васлав хавел хәлқара иҗадий өктичилик мукапати” ға еришкән таһир һамут изгил әпәнди “осло әркинлик мунбири” дә өзиниң “җаваб” намлиқ шеирини син арқилиқ оқуватқан көрүнүш. 2024-Йили 4-июн.
Facebook/Tahir Hamut Izgil

Әй бизгә гүзәл бир завални нийәт қилғучи,

Җаһил көчәтлиримизниң зәр бихлиридин қорқ.

Мәзкур сөһбәтниң тәпсилатини юқириқи аваз улинишидин аңлиғайсиз.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.