Назигүл әнвәрниң ата-аниси издиши: 2 яшлиқ уйғур қизиниң шәрқий-җәнубий асия вә түркийә “һиҗрити”

Мухбиримиз әркин
2020.06.02
tayland-musapir-kichik-bala.jpg Тайланд мусапиләр лагерида тутуп турулуватқан балилар вә бу лагердики муһиттин көрүнүш. 2014-Йили.
Social Media

2012-Йилдин башлап шәрқий-җәнубий асия арқилиқ түркийәгә қечиш долқуни қозғалғаниди. Хитайниң сиясий вә диний зиянкәшликидин қачқан бу уйғур мусапирлириниң ичидә аяллар вә балилар хели зор салмақни игиләйтти.

Әйни вақитта әмдила икки яшқа киргән назигүл әнвәр бу мусапирлар топидики ата-анисиз “һиҗрәт” кә чиққан йеши әң кичик мусапир иди. Униң 2014-йили башланған бу “һиҗрәт” сәпири нәқ бир йил 7 ай давам қилиду.

Ахири, у 2016-йили түркийәгә келип, бу йәрдики ата-аниси билән җәм болушқа муйәссәр болған болсиму, әмма һәммә уйғур балиси униңдәк тәләйлик әмәс иди. Бу сәпәрдә бәзи балилар анисиз, бәзи балилар атисиз қалиду. Уйғур мусапирлар топидики бу кичик “һиҗрәтчи” қизчақ, нөвәттә түркийәдики мәлум бир башланғуч мәктәпниң 1-йиллиқ оқуғучиси.

Биз 2-июн күни 8 яшлиқ назигүл вә униң дадиси әнвәр турдини зиярәт қилип, кичик назигүлниң шәрқий-җәнубий асия сәпирини сөзләштуқ. Төвәндә диққитиңлар мухбиримиз әркинниң сөһбәт программисида болсун.

Юқиридики аваз улинишидин программиниң тәпсилатини аңлиғайсиз.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.