Японийидә '5 - июл вәқәсиниң әмәлийити' намлиқ китаб нәшр қилинди

Японийә уйғур җәмийитиниң башлиқи илһам мәһмут әпәнди йеқинда японийидә "5 - июл вәқәсиниң әмәлийити" намлиқ китаб йезип нәшр қилдурди. Бу китаб тилида йезилған болуп, японийидики чоң нәшриятлардин "тақираҗима нәшрияти" тәрипидин 15 миң тираж билән нәшр қилинған.
Мухбиримиз ирадә
2010.01.11
Ilham-Mahmut-kitap-7-5-Qirghinchiliqi-Yaponche-neshir-305.jpg Сүрәт, йапонийә уйғур җәмийитиниң башлиқи илһам мәһмут әпәнди йеқинда йапонийидә йапон тилида йезиип нәшир қилдурған "5 - ийул вәқәсиниң әмәлийити" намлиқ китабниң муқава көрүнүши.
Сүрәтни аптор илһам мәһмут әпәнди тәминлигән.

Илһам мәһмут әпәнди бу китабида, өзиниң хитайда яшиған 30 нәччә йиллиқ һаяти мәзгилидики сәргүзәштилири билән 5 - июл вәқәсини бирләштүрүп баян қилиш арқилиқ, 5 - июл вәқәсиниң арқа көрүнүшини сөрәтләп беришкә тиришқан.

Илһам әпәндиниң бизгә билдүрүшичә, у, мәзкур китабида өзиниң балилиқ чағлиридики мәктәп һаятида болсун, мәйли күндилик турмушида, мәйли хизмәттә болсун, қандақ айримичилиқларға дуч кәлгәнликини, хитайларниң уйғурларни қандақ кәмситидиғанлиқини наһайити чинлиқ билән баян қилған. Бешиға кәлгән вәқәликләрни наһайити тәбиий һалда баян қилип бәргән. У бу арқилиқ, уйғурларниң хитайларға болған наразилиқиниң немә үчүн бу дәриҗигә берип йәткәнликини вә 5 - июл вәқәсиниң қандақ қилип келип чиққанлиқини баян қилған.

Илһам әпәндиниң ейтишичә, һәр бир уйғурниң аддийғинә сәргүзәштисиниң өзила, хитайниң уйғурларға қандақ бесим сиясити йүргүзүватқанлиқини испатлап чиқидиған наһайити яхши бир китаб болидикән.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.