5 - Июл вәқәсиниң йәнә бир йеңи син хатириси һәққидә

Сүрәт, үрүмчидә йүз бәргән 5 - ийул тенчлиқ намайишидин бир көрүнүш болуп, йаш уйғур оқуғучилириниң қуруқ қол шуар тавлап намайиш қиливатқан көрүнүши.

Намайишта оттуриға қоюлған тәләп вә намайишта товланған шоарларни һазирға қәдәр хитай хәвәр қилғини йоқ. Бүгүн радиомиз еришкән бир син (видио) хатирисидә бу һәқтә бир қисим учурлар хатириләнгән.

Көрүнүштә намайишчиларниң шавгуән вәқәсини адил бир тәрәп қилишни тәләп қиливатқанлиқи, шавгуәндә уйғурларниң уруп өлтүрүлүш вәқәси, вә буниңға қарита һөкүмәтниң қулақ йопурувелиши қатарлиқ адаләтсизләргә қарита наразилиқи ипадиләнгән.

Бу син хатирисида зәпәр бинаси, Tian gong guo yüen ширкити, әнҗүр тамақханиси, пәрһат - шерин һөсн түзәш орни қатарлиқ вивискилар көрүнүду. Бу намайишниң рабийә қадир сода - сарийи билән җәнуби қовуқ йәни нәнмен арисидики бир парчиси икәнлики мәлум.

Көрүнүшләрдә намайишчиларниң қолида һечқандақ нәрсә йоқлуқи, пәқәт миңға йеқин кишиниң шоар товлаватқанлиқи, хитай сақчилириниң намайишчиларни қоршавға елип тутқун қиливатқанлиқи, буниңға қарита намайишчиларниң "қоювәтсун" дәп шуар товлаватқанлиқи көрситилгән.

Көрүнүшләрдин биридә, яш бир аялниң һошидин кәткән һалити вә уни башқиларниң қутқузуватқанлиқи вә әтрапта қечиш вә патипарақчилиқ болуватқанлиқини көрүвалғини болиду.
 
Көрүнүш вә авазлардин қариғанда, бу намайишниң җиддий тәһдит астида, әмма тинчлиқ шәклидә давам қиливатқан бир қисмидур. Шундақла бу йәнә, хитай ахбаратида учритиш мумкин болмайватқан парчилардур.

Һөрмәтлик оқурмәнләр, хитай һөкүмити телефон йоллирини үзүветиш, интернетни кесиветиш, намайишқа аит үн - син хатирилирини йиғивелиш қатарлиқ васитиләр билән, 5 ‏ - июл вәқәсиниң ташқи дуняға тоғра вә толуқ ашкарилинип кетишини тосмақта.

Буниң билән бирликтә йәнә, 5 ‏ - июл вәқәсини кейинки бастуруш һәрикәтлирини йошурушқа урунмақта. Әмма радио аңлиғучилиримиз түрлүк йоллар билән вәқәниң һәқиқий әһвалини дуняға ашкарилаш үчүн пидакарлиқ көрсәтмәктә. Бу программимизда, намәлум бир радио аңлиғучимиз тәрипидин әвәтилгән син хатирисидики мәлуматларни силәргә сундуқ.

Юқиридики аваз улинишидин, бу һәқтики мәлуматимизниң тәпсилатини аңлайсиләр.