بۇنىڭغا ئاساسەن 2012-يىلى 12-ئاينىڭ 15-كۈنى تۈركىيىنىڭ غەربىي جەنۇب رايونىغا جايلاشقان ۋىلايەتلەردىن بىرى بولغان مۇغلا ۋىلايىتىنىڭ «تۈرك ئوجاقى» تەشكىلاتىنىڭ زالىدا «شەرقىي تۈركىستاننىڭ نۆۋەتتىكى مەسىلىلىرى» تېمىسىدا دوكلات بېرىش يىغىنى ئۆتكۈزۈلدى. يىغىندا ئەگە ئۇنىۋېرسىتېتى تۈرك دۇنياسى تەتقىقاتى مەركىزى ئوقۇتقۇچىسى پروفېسسور ئالىمجان ئىنايەت ئەپەندى دوكلات بەردى. ئۇ 1 سائەت داۋاملاشقان بۇ دوكلات بېرىش يىغىنىدا ئۇيغۇرلارنىڭ نۆۋەتتىكى ۋەزىيىتى ۋە ئۇيغۇرلارنىڭ تۈركىيىدىن كۈتكەنلىرى ھەققىدە توختالدى. مۇغلا ۋىلايىتى ھازىرغىچە ئۇيغۇرلار ھەققىدە پەقەت پائالىيەت ئۆتكۈزۈلۈپ باقمىغان جايلاردىن بىرى بولۇپ يىغىن كىشىلەرنىڭ قاتتىق قىزىقىشىنى قوزغىغان. يىغىننى مۇغلا «تۈرك ئوجاقلىرى» ئاممىۋى تەشكىلاتى ئۇيۇشتۇرغان بولۇپ، يىغىنغا ھەر ساھەدىكى كىشىلەر ۋە ئۇنىۋېرسىتېتتىكى ئوقۇتقۇچى- ئوقۇغۇچىلاردىن بولۇپ كۆپ ساندا كىشى قاتناشتى.
ئالىمجان ئىنايەت ئەپەندى دوكلاتىدا بۈگۈنكى كۈندە تۈركىيىنىڭ نۇرغۇن دۆلەتلەرگە ماددىي ۋە مەنىۋى جەھەتتىن ياردەم بېرىۋاتقانلىقىنى ،ئۇيغۇرلارغىمۇ مەنىۋى جەھەتتىن ياردەم بېرىشى كېرەكلىكىنى تەكىتلىدى.