"Sherqiy türkistan Uyghur aliy kéngishi" ning échilish waqti özgerdi

Eslide 2011-yili 2-ayning 2-künidin 8-künigiche amérikining paytexti washin'gtonda échish qarar qilin'ghan "Sherqiy türkistan Uyghur aliy kéngishi" yighini bezi obyéktip qiyinchiliqlar tüpeylidin kéchiktürüldi.
Ixtiyariy muxbirimiz erkin tarim
2011-01-21
Share
rabiye-qadir-yawropa-ziyaret-305 Rabiye qadir xanim we d u q rehberlirining yawropadiki 7 döletke élip bériwatqan ziyaritidin körünüsh. 2011-Yili 21-yanwar.
RFA/Pidaiy

Sherqiy türkistan Uyghur aliy kéngishi yighini teyyarliq komitéti téléfon yighini chaqirip yighinning échilish waqtini 5-ayning 2-künidin 7-künigiche dep békitti. Yighin waqtining özgirish sewebliri we bu yighinning ehmiyiti heqqide melumat élish üchün sherqiy türkistan Uyghur aliy kéngishi yighini teyyarliq komitéti ezasi, dunya Uyghur qurultiyi teshwiqat merkizi mudiri perhat yurungqash we d u q mu'awin re'isi séyit tümtürk ependiler bilen téléfon ziyariti élip barduq.

Perhat yurungqash ependi radi'omizgha qilghan sözide, bu qétimqi yighinning, Uyghur milliy herikitining kelgüsi istiqbali we tereqqiyatigha munasiwetlik zor bir yighin ikenlikini, yighinning muweppeqiyetlik we netijilik halda ötküzülüshining pütün Uyghurlarning ortaq tirishchanliqigha, qollishigha, yardimige we meditige baghliq ikenlikini, shunga muhajirette yashawatqan barliq Uyghurlarning ortaq seperwerlikke kélip, yighinni maddiy we meniwi jehettin aktipliq bilen qollap-quwwetlishi kéreklikini alahide tekitlidi. U sözide yene, rabiye qadir xanim we d u q rehberlirining yawropadiki 7 döletke élip bériwatqan ziyaritidiki eng muhim meqsetlerning birining yawropadiki Uyghurlargha sherqiy türkistan Uyghur aliy kéngishining ehmiyitini chüshendürüsh ikenlikini éytti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet