Ақсу игәчи йезилиқ сақчиханиниң коча чарлаш әтрити һуҗумға учриди

Әтигән саәт 8 әтрапида, ақсу шәһири егәрчи йезилиқ сақчиханиниң коча чарлаш әтрити партлитиш һуҗумиға учриған орун көрситилгән хәритә. 2010-Йили 19-авғуст.

Вәқә йезилиқ сақчиханидин 500 метир узақлиқтики бир көврүк үстидә йүз Бәргән. Вәқәдә җәмий 7 киши өлгән 14 киши яридар болған. Һуҗумға учриған чарлаш әтрити 15 кишидин тәркип тапқан болуп, булардин 4 нәпири өлгән қалғанлири яридар болған.

Уйғур районлуқ һөкүмәт Баянатчиси бүгүн бу һәқтә баянат берип вәқәниң бир җинайи һәрикәт икәнликини вә вәқәниң тәкшүрүлүватқанлиқини билдүргән; вәқә садир қилғучиниң кимлики һәққидә мәлумат бәрмигән. Толуқсиз мәлуматлардин қариғанда, һуҗум қилғучи, үчтурпанлиқ 22 яшлиқ бир уйғур яш.

Бүгүнки партлитиш вәқәсидә, йол үстидә кетиватқан пуқралардинму 3 киши өлгән, йәнә бир нәччә киши яридар болған. яридарлар нөвәттә, ақсу вилайәтлик 1 ‏- дохтурханида даваланмақта. яридарлардин йәнә бир қисми 2 ‏- дохтурханида болуп, нөвәттә җиддий қутқузуш давам қилмақта.

Юқиридики аваз улинишидин, ақсуда йүз бәргән партлитиш вәқәси һәққидики мәлуматимизниң тәпсилатини аңлайсиләр.

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар