Aqsu igechi yéziliq saqchixanining kocha charlash etriti hujumgha uchridi

Bügün etigen sa'et 8 etrapida aqsu shehiri égerchi yéziliq saqchixanining kocha charlash etriti partlitish hujumigha uchridi. Hujumda 7 kishi ölgen we 14 kishi yaridar bolghan.
Muxbirimiz shohret hoshur
2010-08-19
Share
Aqsuda-partlash-weqesi-305 Etigen sa'et 8 etrapida, aqsu shehiri égerchi yéziliq saqchixanining kocha charlash etriti partlitish hujumigha uchrighan orun körsitilgen xerite. 2010-Yili 19-awghust.
AFP Photo

Weqe yéziliq saqchixanidin 500 métir uzaqliqtiki bir köwrük üstide yüz Bergen. Weqede jem'iy 7 kishi ölgen 14 kishi yaridar bolghan. Hujumgha uchrighan charlash etriti 15 kishidin terkip tapqan bolup, bulardin 4 nepiri ölgen qalghanliri yaridar bolghan.

Uyghur rayonluq hökümet Bayanatchisi bügün bu heqte bayanat bérip weqening bir jinayi heriket ikenlikini we weqening tekshürülüwatqanliqini bildürgen؛ weqe sadir qilghuchining kimliki heqqide melumat bermigen. Toluqsiz melumatlardin qarighanda, hujum qilghuchi, üchturpanliq 22 yashliq bir Uyghur yash.

Bügünki partlitish weqeside, yol üstide kétiwatqan puqralardinmu 3 kishi ölgen, yene bir nechche kishi yaridar bolghan. Yaridarlar nöwette, aqsu wilayetlik 1 ‏- doxturxanida dawalanmaqta. Yaridarlardin yene bir qismi 2 ‏- doxturxanida bolup, nöwette jiddiy qutquzush dawam qilmaqta.

Yuqiridiki awaz ulinishidin, aqsuda yüz bergen partlitish weqesi heqqidiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet