Türkiyining sabiq bash ministiri nejmettin erbaqan wapat boldi

Merhum nejmettin erbaqan ependi we sherqiy türkistan medeniyet we hemkarliq jem'iyitining mes'ulliri.

1926-Yili 10-ayning 29-küni türkiyining sinop wilayitide dunyagha kelgen nejmettin erbaqan 1948-yili istanbul téxnika uniwérsitétini püttürgendin kéyin gérmaniyide magistir we doktorluq unwanliri üchün oqughan hemde 29 yéshida proféssorluq unwani alghan.

Nejmettin erbaqan 1970-yili milliy salamet partiyisini qurghan we köp qétim parlamént ezasi hem ministir bolghan. 1996-Yilidin 1997-yilighiche türkiye jumhuriyitining bash ministirliq wezipisini ötigen.

RFA/Erkin Tarim

Merhum nejmettin erbaqan hayat waqtida köp qétim merhum eysa yüsüp aliptékin we türkiyide pa'aliyet élip bériwatqan sherqiy türkistan ammiwi teshkilat mes'ullirini qobul qilip, Uyghur mesilisi heqqidiki teklip we pikirlirini otturigha qoyghan. U, 1990-yili 12-ayning 31-küni türkiye parlaméntida sözligen nutqida, “Xitay hökümiti sherqiy türkistanliqlargha eqilge sighmaydighan zulumlarni qilmaqta, xitay hazir sherqiy türkistanliqlarning pütün heq -hoquqliri tartiwaldi” dégen.

Undaqta prof. Dr. Nejmettin erbaqanning türkiye tarixida tutqan orni qandaq? u Uyghurlar üchün némilerni qilghan? dégen mesililer boyiche türkiyidiki Uyghur erbabliridin hamutxan köktürk, dr. Erkin ekrem we séyit tümtürk ependiler öz köz qarashliri otturigha qoydi.